புத்தளம் மாவட்ட பாராளுமன்ற உறுப்பினர் அலி சப்ரி ரஹீமை கைது செய்து நீதிமன்றில் முன்னிலைப்படுத்துமாறு புத்தளம் மேலதிக மாவட்ட நீதிபதியும் நீதவானுமான திருமதி அயோனா விமலரத்ன இன்று உத்தரவு பிறப்பித்துள்ளார்.
கற்பிட்டி பொலிஸ் பிரிவுக்குட்பட்ட குறிஞ்சுபிட்டியில் அமைந்துள்ள மத்ரஸா கட்டிடம் ஒன்றை முறைகேடான முறையில் அரச சார்பற்ற நிறுவனமொன்றுக்கு வாடகைக்கு விடப்பட்டதிற்கு எதிர்ப்பு தெரிவித்து, ஊர் மக்கள் புத்தளம் மாவட்ட பாராளுமன்ற உறுப்பினர் அலி சப்ரி ரஹீம் அவர்களிடம் சென்று இதுகுறித்து முறையீடு செய்தனர்.
குறித்த முறைப்பாட்டை அடுத்து குறிஞ்சுபிட்டி பகுதிக்கு விஜயம் மேற்கொண்ட பாராளுமன்ற உறுப்பினர் அலி சப்ரி ரஹீம், முறைகேடாக வாடகைக்கு விடப்பட்ட கட்டிடத்தை நிறுவனத்தின் பொருட்களுடன் ஊர் மக்களின் ஆலோசனையுடன் போலீசாரிடம் ஒப்படைக்கப்பட்டதாக தெரிவித்தார்.
இதனை அடுத்தே அரச சார்பற்ற நிறுவனமொன்றுக்கு சொந்தமான கட்டிடத்திற்குள் நுழைந்து சொத்துக்களை சேதப்படுத்தியதாக குறித்த அரச சார்பற்ற நிறுவனம் தன் மீது அவதூறான ஒரு வழக்கை பதிவுசெய்து தனக்கு அபகீர்த்தியை ஏற்படுத்தி இருப்பதாக பாராளுமன்ற உறுப்பினர் அலி சப்ரி ரஹீம் தெரிவித்தார்.
மேலும் நேற்றைய தினம் கெளரவ பிரதமர் தினேஷ் குணவர்தன மற்றும் கெளரவ மேல்மாகாண ஆளுநர் நசீர் அஹமட் ஆகியோர் புத்தளத்திற்கு விஜயம் மேற்கொண்டிருந்தமையால் நேற்றை வழக்கு விசாரணைக்கு ஆஜராகவில்லை எனவும், அதனாலே நீதிமன்றினால் தனக்கு பிடியாணை பிரப்பிக்கப்பட்டதாகவும் எமது ஈ நியூஸ் பெஸ்டிற்கு தெரிவித்தமை குறிப்பிடத்தக்கது.
