அகில இலங்கை மக்கள் காங்கிரசின் ஏற்பாட்டில் ஊடகவியலாளர்கள், சமூக முன்னோடிகள் மற்றும் புத்திஜீவிகளுடனான விஷேட சந்திப்பு அண்மையில் இடம்பெற்றது.
எதிர்வரும் ஜனாதிபதித் தேர்தலில் யாருக்கு ஆதரவு வழங்குவது என்பது பற்றிய கருத்தறியும் நிகழ்வே அகில இலங்கை மக்கள் காங்கிரசின் தலைவர் ரிஷாட் பதியுதீன் தலைமையில் கொழும்பு, வெள்ளவத்தை கிறீன் பலஸ் ஹோட்டலில் (05) திங்கட்கிழமை இடம்பெற்றது.
இந் நிகழ்வுக்கு எமது கட்சியின் தலைவரும் பாராளுமன்ற உறுப்பினருமான ரிஷாட் பதியுதீன், தவிசாளர் எம்.எஸ்.எஸ். அமீர் அலி, கட்சியின் அரசியல் அதிகார சபை உறுப்பினர்களான சட்டத்தரணி ருஷ்தி ஹபீப், சட்டத்தரணி என்.எம்.ஷஹீத், கலாநிதி யூஸூப் மரிக்கார், கலாநிதி அனீஸ் மற்றும் முன்னாள் பாராளுமன்ற உறுப்பினர் நௌசாட், கட்சியின் அம்பாறை மாவட்ட இளைஞர் அமைப்பாளர் ரிஸ்லி முஸ்தபா ஆகியோர் கலந்து கொண்டிருந்தனர்.
ஊடகவியலாளர்கள், புத்திஜீவிகள், வர்த்தகப் பிரமுகர்கள், சட்டத்தரணிகள், வைத்தியர்கள், பல்கலைக் கழக விரிவுரையாளர்கள், பொறியியலாளர்கள் என பல்வேறு பட்ட துறைசார்ந்தவர்களும் நிகழ்வுக்கு அழைக்கப்பட்டிருந்தனர்.
இதேவேளை எதிர்வரும் ஜனாதிபதி தேர்தலில் எந்த வேற்பாளரை ஆதரிப்பது தொடர்பில் இதுவரை அகில இலங்கை மக்கள் காங்கிரஸ் முடிவெடுக்காத நிலையில் குறித்த விஷேட கலந்துரையாடல் இடம்பெற்றமை குறிப்பிடத்தக்கது.
