புத்தளம் எருக்கலம்பிட்டி அல் வஹ்தா நலன்புரி அமைப்பினரால் இம்முறையும் புத்தளம் எருக்கலம்பிட்டியில் கூட்டு குர்பானி விநியோகம் இடம்பெற்றது.
ஒவ்வொரு ஆண்டும் ஹஜ்ஜுப்பெருநாள் கூட்டு குர்பானி விநியோகம் புத்தளம் எருக்கலம்பிட்டியில் இடம்பெற்று வருகின்றது.
2003 ஆம் ஆண்டு ஆரம்பிக்கப்பட்ட அல் வஹ்தா நலன்புரி அமைப்பு ஒவ்வொரு ஆண்டும் குர்பான் கொடுப்பதற்காக மக்களை ஆர்வப்படுத்தி, நெறிப்படுத்தி சிறந்த வழிகாட்டல்கள் மூலம் குர்பானியை நிறைவேற்றச்செய்து அவைகளை சிறந்த முறையில் மக்கள் அனைவருக்கும் கொண்டு சேர்க்கும் ஓர் பாரிய சவாலான வேலைத்திட்டத்தை சுமார் 20 ஆண்டுகளுக்கும் மேலாக தொடர்ச்சியாக செய்து வரும் எருக்கலம்பிட்டி அல் வஹ்தா நலன்புரி அமைப்பின் சேவை அளப்பரியது.
அந்த வகையில் இம்முறையும் எருக்கலம்பிட்டி அல் வஹ்தா நலன்புரி அமைப்பினரால் கூட்டு குர்பானி விநியோகம் மிகவும் சிறப்பாக இடம்பெற்றது.
இம்முறையும் நாட்டின் நாளா பகுதிகளிலும் வாழும் எருக்கலம்பிட்டி மக்களிடமிருந்து கூட்டு குர்பானிக்கான பங்களிப்புகளை பெற்று, சுமார் 27 மாடுகளை கொள்வனவு செய்து, ஒரே தினத்தில் அறுத்து விநியோகம் செய்தமையானது பாரிய ஒரு வெற்றியாகும் என அல் வஹ்தா நலன்புரி அமைப்பின் தலைவர் ஜனாப் செய்னுலாப்தீன் அபுல் ஹைர் தெரிவித்தார்.
அர்ப்பணிப்புள்ள மிக உயர்ந்த சேவையினை தொடர்ச்சியாக செய்து வரும் அல் வஹ்தா நலன்புரி அமைப்பினருக்கு eNews1st நன்றிகளையும் பாராட்டுக்களையும் தெரிவித்துக்கொள்கிறது.
