கல்பிட்டி மொஹொத்துவாரம் கடற்கரைப் பகுதியில் மேற்கொள்ளப்பட்ட விசேட தேடுதல் நடவடிக்கையின் போது, கடல் மார்க்கமாக கடத்தப்பட்டதாக நம்பப்படும் கடத்தல் பொருட்களுடன் இரண்டு (02) டிங்கி படகுகளை கடற்படையினர் கைப்பற்றினர்.
கடல் வழியாக கடத்தல் பொருட்கள் வருவதைத் தடுக்க, கடற்படை அடிக்கடி ரோந்து மற்றும் தேடுதல் நடவடிக்கையை தீவின் கடலோர மற்றும் கடல் பகுதிகளில் நடத்துகிறது.
வடமேற்கு கடற்படை கட்டளையில் உள்ள கடற்படை ஸ்தாபனமான SLNS விஜயா கடந்த மார்ச் 03 ஆம் திகதி மொஹொத்துவாரம் கடற்பரப்பில் மேற்கொள்ளப்பட்ட விசேட தேடுதல் நடவடிக்கையின் போது இவைகள் கைப்பற்றப்பட்டது.
அதன்படி, இந்த நடவடிக்கையில் ஈடுபட்ட கடற்படையினர், சந்தேகத்திற்கிடமான 02 டிங்கி படகுகளை கடற்கரையில் சோதனையிட்டதுடன், கடல் வழியாக கடத்தப்பட்டதாகக் கருதப்படும் கடத்தல் பொருள்கள் ஒரு தொகுதியையும் மீட்டனர்.
கைப்பற்றப்பட்ட பொருட்களில், 15 கிலோ காய்ந்த கடல் அட்டை, 01 கிலோ ஏலக்காய், 14 கிலோ காய்ந்த முந்திரி, 10 கிலோ அரிசி, 248 கிலோ சர்க்கரை, 100 கிலோ கோதுமை மா, 03 கிலோ உலர் மீன், 270 பேக் கோப்பி, 680 அழகுசாதனப் பொருட்கள். மற்றும் 2930 சவற்கார கட்டிகள் உள்ளடங்குகிறன.
இந்த நடவடிக்கையின் போது கைப்பற்றப்பட்ட 02 டிங்கி படகுகள் மற்றும் கடத்தல் பொருட்கள் மேலதிக நடவடிக்கைகளுக்காக கட்டுநாயக்க சுங்க தடுப்பு அலுவலகத்தில் ஒப்படைக்கப்பட்டது.
