சீனாவின் முன்னணி செயற்கை நுண்ணறிவு நிறுவனமாக மாறியுள்ள டீப்சீக் மீது மைக்ரோசாப்ட் மற்றும் ஓபன் ஏ.ஐ. ஆகிய நிறுவனங்கள் திருட்டு குற்றச்சாட்டை சுமத்தி உள்ளன. இது AI தொழிநுட்ப உலகில் பெரும் பரபரப்பை ஏற்படுத்தியுள்ளது.
செயற்கை நுண்ணறிவு தொழில்நுட்பமான ஏ.ஐ. யில் முன்னிலை வகிக்க உலக நாடுகள் பல கடும் போட்டியில் இறங்கி வருகின்றன. ஸ்டார்கேட் என்ற ஏ.ஐ. மேம்பாட்டு கூட்டணி திட்டத்தை அமெரிக்க அதிபர் டொனால்டு டிரம்ப் அறிவித்த நிலையில், அடுத்த சில நாட்களில் டீப்சீக் என்ற இரண்டு ஏ.ஐ. மாடல்களை குறைந்த செலவிலான சேவையாக சீனா அறிமுகம் செய்தது. டீப்சீக் ஏ.ஐ. மாடல்களின் போட்டியால், அமெரிக்காவின் ஓபன் ஏ.ஐ. மற்றும் என்விடியா ஆகிய நிறுவனங்கள் சந்தையில் கடும் பாதிப்பை சந்தித்துள்ளன.
இந்நிலையில், சீனாவின் முன்னணி செயற்கை நுண்ணறிவு நிறுவனமாக டீப்சீக் மீது மைக்ரோசாப்ட் மற்றும் ஓபன் ஏ.ஐ. ஆகிய நிறுவனங்கள் டேட்டா திருட்டு குற்றச்சாட்டை சுமத்தி உள்ளது. இது குறித்து மைக்ரோசாப்ட் நிறுவனம் ஆய்வை துவக்கி உள்ளது.
மைக்ரோசாப்ட் நிறுவனத்தின் செக்யூரிட்டி பிரிவு ஆராய்ச்சியாளர்கள் ஆய்வை துவக்கி உள்ளனர். இந்த சீன நிறுவனம், அங்கீகரிக்கப்படாத டேட்டா டவுன்லோடு மற்றும் ஓபன் ஏ.ஐ.,யின் சேவை விதிமுறைகளை மீறியிருக்கலாம் என சந்தேகம் எழுந்துள்ளது.
இது குறித்து தொழில்நுட்ப வல்லுநர்கள் கூறியதாவது: முன்னணி அமெரிக்க AI நிறுவனங்களை அடிப்படையாக கொண்டு செயல்பட சீன நிறுவனங்கள் முயற்சிக்கின்றன. தரவு வெளியீடு அங்கீகரிக்கப்படாத முறையில், டீப்சீக்குடன் இணைக்கப்பட்டதா என்பது குறித்து ஆராய்ச்சிகள் நடந்து வருவதாக தெரிவித்த்துள்ளனர்.
