எருக்கலம்பிட்டி FC கழகத்தின் காரியாலய திறப்பு விழா நிகழ்வு நேற்று 16.10.2022 ஞாயிற்றுக்கிழமை மாலை 4.30 மணியளவில் வெகு விமர்சையாக இடம்பெற்றது.
புத்தளம் எருக்கலம்பிட்டி கிராமத்தில் உருவாக்கப்பட்ட எருக்கலம்பிட்டி FC கழகம் தற்போது புத்தளம் லீக் போட்டிகளில் விளையாடி வருவதுடன் பல கிண்ணங்களை சுவீகரித்துள்ளமை விசேட அம்சமாகும்.
கடந்த மார்ச் மாதம் இடம்பெற்ற மர்ஹூம் கே.ஏ. பாயிஸ் அவர்களின் ஜாபகார்த்தமாக புத்தளம் நகரசபையினால் நடாத்தப்பட்ட புத்தளம் லீக் உதைபந்தாட்ட சுற்றுப்போட்டியில் எருக்கலம்பிட்டி FC பங்குபற்றி இருதிப்போட்டிக்கு தெரிவானது.
எருக்கலம்பிட்டி எப்.சி மற்றும் புத்தளம் லிவர்பூல் அணியினருக்கிடையில் இடம்பெற்ற இறுதிப்போட்டியில் எருக்கலம்பிட்டி எப்.சி அணி இரண்டாம் இடத்தை தட்டிச்சென்றது.
அந்த வகையில் கழகத்தின் செயற்பாடுகளை முன்னோக்கிச் செல்ல கழகத்திற்கான புதிய காரியாலயம் ஒன்று நேற்றைய தினம் கழகத்தின் தலைவர் திரு சிஹாம் அவர்களினால் நாகவில்லு ஜும்மாஹ் பள்ளிவாசலுக்கு அருகாமையில் உள்ள ஜனாப் நவ்பர் கட்டிட தொகுதியில் திறந்து வைக்கப்பட்டது.
இதில் பள்ளிவாசல் இமாம், பள்ளிவாசல் நிர்வாகத்தினர், கழக உறுப்பினர்கள் மற்றும் ஊர் ஜமாத்தினர் என பெரும்திரளானோர் கலந்து சிறப்பித்தமை குறிப்பிடத்தக்கது.
