புத்தளம் எருக்கலம்பிட்டி முஸ்லீம் மகா வித்தியாலயத்தில் 2025ஆம் ஆண்டுக்கான முதலாம் வகுப்பில் பிள்ளைகளை சேர்க்கும் கால்கோள் விழா பாடசாலை அதிபர் SM ஹுசைமத் தலைமையில் மிகவும் சிறப்பாக இன்று இடம்பெற்றது.
இவ்வருடம் தரம் இரண்டில் கல்வி கற்கும் மாணவர்களின் உற்சாக வரவேற்புடன் தரம் ஒன்றுக்கான புதிய மாணவர்கள் பேண்ட் வாத்தியம் முழங்க வரவேற்கப்பட்டனர்.
தரம் இரண்டில் கல்வி கற்கும் மாணவ மாணவிகளின் மேடை நிகழ்ச்சிகள் விழாவை மேலும் அலங்கரிச்செய்தன.
புதிய மாணவர்களுக்கு மலர்கள் வழங்கப்பட்டு, மாலைகள் அணிவிக்கப்பட்டு, வரவேற்ற காட்சி அனைவரையும் மகிழ்ச்சியில் ஆழ்த்தியது.
இந் நிகழ்விற்கு பிரதான அதிதிகளாக பள்ளி பரிபாலன சபை உறுப்பினர்கள், ஓய்வுபெற்ற அதிபர், ஆசிரியர்கள், பாடசாலை அபிவிருத்திச் சங்க உறுப்பினர்கள் மற்றும் பழைய மாணவர்கள் சங்க உறுப்பினர்கள் என பலரும் கலந்து சிறப்பித்தமை விஷேட அம்சமாகும்.
