புத்தளம் நாகவில்லு குல்லியத்துள் மனார் அரபுக்கல்லூரியின் பட்டமளிப்பு விழா இன்று 04.09.2022 ஜாயிற்றுக்கிழமை காலை 09.00 மணியளவில் புத்தளம் எருக்கலம்பிட்டி ஜும்மா பள்ளிவாசலில் இடம்பெற்றது.
குல்லியத்துள் மனார் அரபுக்கல்லூரியின் தலைவர் அல்ஹாஜ் A.C. ஜபருல்லாஹ் அவர்களின் தலைமையில் இடம்பெற்ற கல்லூரியின் பட்டமளிப்பு விழாவில் இம்முறை 31 ஹாபில்ஹல் பட்டம்பெற்று வெளியாகியுள்ளனர்.
01.05.2002 ஆம் ஆண்டு 11 மாணவர்களுடன் ஆரம்பிக்கப்பட்ட குல்லியத்துள் மனார் அரபுக்கல்லூரியில் இதுவரை 99 ஹாபிழ்கள் பட்டம் பெற்று வெளியாகி கல்லூரிக்கு நற்பெயரை ஈட்டி தந்துள்ளனர்.
நீண்ட காலமாக மெளலவி அஷ் ஷேய்க் M.H. அப்துல் ஹலீம் அவர்கள் அதிபராக கடமையாற்றி வருவதுடன் மேலும் இரண்டு உலமாக்களும் அரபுக்கல்லூரியில் பல சிரமங்களுக்கு மத்தியில் கடமையாற்றி வருகின்றனர்.
நான்காவது முறையாக இடம்பெற்ற இப் பட்டமளிப்பு நிகழ்வில் நிர்வாக உறுப்பினர்கள், உலமாக்கள், பெற்றோர்கள், ஊர் ஜமாத்தினர்கள் கலந்து சிறப்பித்தமை குறிப்பிடத்தக்கது.
