புத்தளம் நாகவில்லு முஸர்ரப் ஹோட்டல் இன்று அதிகாலை சில காடையர்களால் உடைத்து சேதப்படுத்தப்பட்டுள்ளது.
இன்று அதிகாலை 2.30 மணியளவில் குறித்த உணவகம் இவ்வாறு உடைக்கப்பட்டு சேதப்படுத்தப்பட்டுள்ளது.
குறித்த உணவகத்திற்கு போதையில் வருகை தந்த இருவரினால் குழப்பம் ஏற்படுத்தப்பட்டு அங்கிருந்து திரும்பிச் சென்றிருந்ததுடன் மேலும் சில காடையர்களுடன் குறித்த உணவகத்திற்கு அவர்கள் மீண்டும் வருகை தந்து அங்கிருந்த பொருட்களை உடைத்து பாரிய சேதத்தை ஏற்படுத்தி சென்றுள்ளனர்.
வருகை தந்த காடையர்கள் மிலேச்சத்தனமான தாக்குதலை ஏற்படுத்தியதுடன் இன முருகளை ஏற்படுத்தும் விதத்தில் நடந்துகொண்டு வேறு விதமான குழப்பத்தை ஏற்படுத்தவும் முயட்சித்துள்ளனர்.
உணவகத்தில் இருந்த உணவுகள், கண்ணாடிகள் மற்றும் தளபாடங்கள் பாரிய அளவில் சேதமாகியுள்ளதுடன் உணவகத்தில் இருந்தவர்களை அச்சுறுத்தியும் அங்கிருந்து சென்றுள்ளனர்.
குறித்த சம்பவம் தொடர்பில் இன்று அதிகாலை புத்தளம் போலீசில் முறைப்பாடு செய்யப்பட்டுள்ளதுடன் இதுவரை மேலதிக நடவடிக்கைகள் எதுவும் எடுக்கப்படவில்லை எனவும் தகவல் கிடைத்துள்ளன.
இதேவேளை தொடர்ச்சியாக சில காடையர்களினால் இவ்வாறு குழப்பங்கள் ஏற்பட்டு வருகின்றமை குறிப்பிடத்தக்கது.
