கடந்த பாராளுமன்றத் தேர்தலில் தராசுக் கூட்டணியில் மக்கள் காங்கிரஸ் சார்பில் போட்டியிட்ட முன்னாள் வடமேல் மாகாண சபை உறுப்பினர் ஆப்தீன் எஹியா மீண்டும் மக்கள் காங்கிரஸின் தலைவர் றிஷாட் பதியுதீன் முன்னிலையில் கட்சியில் இணைந்தார்.
எதிர்வரும் நாடாளுமன்றத் தேர்தலில் புத்தளத்தின் சிறுபான்மைப் பிரதிநிதித்துவத்தை உறுதிப்படுத்தும் நோக்கிலும், சமூகங்களுக்கிடையிலான ஒற்றுமையை வலுப்படுத்தவும், கட்சியின் வளர்ச்சியை மேலும் அதிகரிக்கவும் இப்பயணத்தில் இணைந்து கொண்டதாக ஆப்தீன் எஹியா தெரிவித்தார்.
இதன்போது, முன்னாள் வட மேல்மாகாண சபை உறுப்பினரும் கட்சியின் புத்தளம் மாவட்ட அமைப்பாளருமான M.T.M. தாஹிர், புத்தளம் முன்னாள் நகரபிதா A.O. அலிகான், மௌலவி பஸால் இஸ்மாயீல், சகோதரர் முயீன், ஆசிரியர் முஸ்பர் ஆகியோரும் கலந்து கொண்டனர்.
