Saturday, April 5, 2025
Sponsored advertisementspot_img
Sponsored Advertisementspot_img
HomeLocal Newsமூவரின் உயிர்களை பறித்த விபத்து!

மூவரின் உயிர்களை பறித்த விபத்து!

நாடு முழுவதும் பல பகுதிகளில் இடம்பெற்ற வாகன விபத்துகளில் இளைஞன் ஒருவர் உட்பட மூன்று பேர் உயிரிழந்துள்ளனர்.

நேற்று (25) இந்த விபத்துகள் கட்டுபொத்த, அவிசாவளை மற்றும் அத்திமலை ஆகிய பொலிஸ் பிரிவுகளில் பதிவாகியுள்ளன.

அத்திமலை, கொட்டியாகல 05 ஆம் தூண் கிளை வீதியின் வத்தேகம பகுதியில் மோட்டார் சைக்கிள் கட்டுப்பாட்டை இழந்து வீதியை விட்டு விலகி தடுப்புச் சுவரில் மோதி விபத்துக்குள்ளாகியுள்ளது.

விபத்தில் படுகாயமடைந்த மோட்டார் சைக்கிள் ஓட்டுநர் அத்திமலை வைத்தியசாலையில் அனுமதிக்கப்பட்ட நிலையில் உயிரிழந்தார்.

உயிரிழந்தவர் கொட்டியாகல பகுதியில் வசிக்கும் 18 வயது இளைஞர் என தெரிவிக்கப்படுகிறது.

இதற்கிடையில், கட்டுபொத்த, பொத்துஹெர, தம்பிடிய கிளை வீதியில்  தம்பிடிய சந்திக்கு அருகில், வீதியை கடக்கும் பாதசாரி மீது மோட்டார் சைக்கிள் மோதியதில் 79 வயதுடைய முதியவர் ஒருவர் உயிரிழந்துள்ளார்.

இதற்கிடையில், அவிசாவளை பொலிஸ் பிரிவின் கொழும்பு-ஹட்டன் வீதியின் தல்துவ பகுதியில், வீதியை கடக்க முற்பட்ட பாதசாரி மீது பேருந்து ஒன்று மோதியதில் விபத்தொன்று ஏற்பட்டுள்ளது.

விபத்தில் காயமடைந்த பாதசாரி அவிசாவளை வைத்தியசாலையில் அனுமதிக்கப்பட்ட பின்னர் உயிரிழந்தார்.

உயிரிழந்தவர் தல்துவ பகுதியைச் சேர்ந்த 69 வயதுடையவர் என தெரிவிக்கப்பட்டுள்ளது.

RELATED ARTICLES

𝐀𝐋𝐓𝐄𝐂 𝐈𝐓 𝐒𝐎𝐋𝐔𝐓𝐈𝐎𝐍𝐒

Official Instagram

Most Popular