தெற்கு மற்றும் மத்திய சிலியில் ஏற்பட்டுள்ள காட்டுத்தீயில் 18 பேர் உயிரிழந்தனர். காட்டுத்தீயால் 18 பேர் உயிரிழந்த நிலையில் நூற்றுக்கணக்கான வீடுகள் அழிக்கப்பட்டுள்ளன, வீடுகளை விட்டு 50,000 பேர் வெளியேறியுள்ளனர். அதிக வெப்பம் மற்றும் பலத்த காற்றினால் தீவிரமடைந்த இந்தத் தீ, தலைநகர் சாண்டியாகோவில் இருந்து 500 கி.மீ. தொலைவில் உள்ள உபிள், பயோபியா பகுதியில் காட்டுத்தீ பற்றி எரிந்து வருகிறது. காட்டுத்தீ பரவி வரும் 2 மாகாணங்களில் அவசர நிலையை சிலி நாட்டு அதிபர் அறிவித்துள்ளார்.
இத்தகைய தீ, கடலோர நகரமான கன்செப்சியனுக்கு அருகிலுள்ள வறண்ட காடுகள் வழியாகப் பரவி, சுமார் 250 வீடுகளை அழித்துள்ளது. சிலி வனத்துறை நிறுவனம், நாடு முழுவதும் 24 இடங்களில் தீயணைப்பு வீரர்கள் தீவிரமாகப் போராடி வருவதாகவும், இதில் நியூப்ளே மற்றும் பயோபியோ பிராந்தியங்களில் நிலைமை மிகவும் மோசமாக இருப்பதாகவும் தெரிவித்துள்ளது. கிட்டத்தட்ட 8,500 ஹெக்டேர் நிலப்பரப்பு தீயில் எரிந்து சாம்பலாகியுள்ளது, மேலும் பல சமூகங்களுக்கு அதிகாரிகள் வெளியேற்ற உத்தரவுகளைப் பிறப்பித்துள்ளனர்.
இதேவேளை ஸ்பெயின் நாட்டின் கார்டோபா மாகாணத்தில் அதிவேக ரயில் தடம்புரண்டு மற்றொரு ரயிலுடன் மோதி விபத்துகுள்ளானது. 300 பயணிகளுடன் சென்ற ரயில், விபத்தில் சிக்கியதில் 39 பயணிகள் உயிரிழந்தனர். பலர் காயம் அடைந்துள்ளனர். உயிரிழப்புகளின் எண்ணிக்கை மேலும் அதிகரிக்கக்கூடிய அச்சம் காணப்படுவதாக அந்த நாட்டு அதிகாரிகள் தெரிவித்துள்ளன.
இந்தச் சம்பவம் கோர்டோபா (Cordoba) நகருக்கு அருகிலுள்ள அடமுஸ் என்ற இடத்திற்கு அருகே நிகழ்ந்துள்ளது. அதிவேக ரயில் ஒன்று தண்டவாளத்தை விட்டு விலகி, பக்கத்து தண்டவாளத்தில் மோதியதாக ஸ்பெயினின் ரயில்வே தெரிவித்துள்ளது. அந்த சமயத்தில் ஹுயெல்வா நோக்கி எதிர்த் திசையில் பயணித்த மற்றொரு ரயிலும் தண்டவாளத்தை விட்டு விலகி விபத்துக்குள்ளானதாக கூறப்படுகின்றது.
