கடந்த வாரம் முத்தையங்கட்டு பகுதியில் அப்பாவி இளைஞன் அநியாயமாக கொல்லப்பட்டதற்கு, இளைஞனுக்கு நீதி வேண்டி எதிர்வரும் 18.08.2025 அன்றைய தினம் வடக்கு கிழக்கு மாவட்டங்களில் அனைத்து வர்த்தக நிலையங்களும் மூடப்பட்டு எதிர்ப்பினை வெளிப்படுத்துமாறு கிளிநொச்சி, கரைச்சி பிரதேச சபையின் முன்னாள் உறுப்பினர் சண்முகம் ஜீவராசா வேண்டுகோள் விடுத்துள்ளார்.
பொது அமைப்புக்கள் மற்றும் பொதுமக்கள் அனைவரும் எமது பகுதியில் அநியாயமாக கொல்லப்பட்ட முத்தையங்கட்டு இளைஞனுக்கு நீதிவேண்டி அன்றைய தினம் 18.08.2025 தமது எதிர்ப்பினை வெளிப்படுத்தும் வகையில் கதவடைப்பு போராட்டத்தை முன்னெடுக்க உதவுமாறு வேண்டியுள்ளார்.
குறித்த போராட்டத்திற்கு அனைத்து தரப்பினரும் தமது பூரண ஆதரவினை வழங்க வேண்டும் என தெரிவித்து இன்றைய தினம்16.08.2025 ஊடக சந்திப்பு ஒன்றை மேற்கொண்டு சண்முகம் ஜீவராசா இவ்வாறு வேண்டுகோள் விடுத்துள்ளார்.
