ஸ்ரீலங்கன் கிரிக்கெட் லீக் நடத்திய SLCL மாஸ்டர்ஸ் லீக் சீசன்1 கிரிக்கெட் சுற்றுத் தொடரின் இருத்திப் போட்டியில் ஸ்கோபியோ லெஜண்ட் அணியினர் வெற்றிவாகை சூடிக்கொண்டனர்.
நேற்று இடம்பெற்ற SLCL மாஸ்டர்ஸ் லீக் சீசன்1 கிரிக்கெட் சுற்றுத் தொடரில் ரீபோன் லெஜண்ட் அணியினரை வீழ்த்தி வெற்றி மகுடம் சூடிக்கொண்டனர் ஸ்கோபியோ லெஜண்ட் அணியினர்.
நாணய சுழட்சியில் வெற்றிபெற்ற ஸ்கோபியோ லெஜண்ட் அணியினர் முதலில் துடுப்பெடுத்தாடினர். நிர்ணயிக்கப்பட்ட 20 ஓவர் நிறைவில் 5 விக்கட் இழப்பிற்கு 215 என்ற இமாலய ஓட்ட இலக்கை நிர்ணயித்தனர்.
பதிலுக்கு துடுப்பெடுத்தாடிய ரீபோன் லெஜண்ட் அணியினர் 16.3 ஓவரில் சகல விக்கட்டுகளையும் இழந்து 137 ஓட்டங்களை மாத்திரமே பெற்று படுதோல்வி அடைந்தனர்.
78 ஓட்ட வித்தியாசத்தில் ரீபோன் லெஜண்ட் அணியினரை ஸ்கோபியோ லெஜண்ட் அணியினர் வெற்றிபெற்றதன் மூலம், SLCL மாஸ்டர் T20 லீக் சீசன்1 கிரிக்கெட் சுற்றுத் தொடரின் சம்பியன் பட்டம் வென்றனர்.
இறுதிப்போட்டியின் சிறந்த வீரராகவும் சிறந்த பந்து வீச்சாளராகவும் தர்ஷன பீரிஸ் தெரிவுசெய்யப்பட்டதுடன், இறுதிப்போட்டியின் சிறந்த துடுப்பாட்ட வீரராக சுஜாத் விஜேசேகர தெரிவுசெய்யப்பட்டார்.
மேலும் தொடரின் சிறந்த வீரராக JD மஹேஷ் தெரிவாகியிருந்தமை குறிப்பிடத்தக்கது.
