அல்ஹம்துலில்லாஹ்.. எருக்கலம்பிட்டி மண்ணுக்கு மற்றுமொரு மகுடம் கட்டார் நாட்டில்
மன்னார் எருக்கலம்பிட்டி முதலாம் வட்டாரத்தைச் சேர்ந்த அல்ஹாஜ் முஹம்மது இப்றாஹிம் அன்வர் (Iffath Pharmacy), ஹாஜியானி வதூதா அன்வர் (ஓய்வு பெற்ற ஆசிரியை) ஆகியோரின் இளைய புதல்வன் முஹம்மது நபார் அவர்கள் இன்று 2023-09-04 கட்டார் நாட்டின் அரசாங்கத்தினால் கெளரவிக்கப்பட்டுள்ளார்கள்.
கட்டார் நாட்டின் அரசாங்க உத்தியோகத்தில் நீண்ட காலம் சிறந்த சேவையாற்றியமைக்காக அவருக்கு இந்த கெளரவ விருது வழங்கி வைக்கப்பட்டுள்ளது.
இவர் Qatar Energy நிறுவனத்தில் பத்து வருடங்களுக்கும் மேலாக தனது சேவையினை வழங்கி வந்துள்ளதுடன், அவரின் சிறப்பான சேவையின் மூலமாக இந்த விருதினை பெற்றுள்ளமை பலரின் கவனத்தையும் ஈர்த்துள்ளது.
இவர் B.Sc Agri (EUSL), M.Sc in OM (UOP) , PGD போன்ற பல கல்விசார் பட்டங்களையும் பூர்த்தி செய்திருப்பது கல்வியின் முக்கியத்துவத்தை எமது இன்றைய இளைய தலைமுறையினருக்கு ஒரு எடுத்துக்காட்டாக அமைந்துள்ளது.
இவர் எட்டிய இந்த கல்லை பாராட்டி ஊரின் பல முக்கியஸ்தர்களும் தமது வாழ்த்துக்களை தெரிவித்து வருகின்றமை குறிப்பிடத்தக்கது.
அவருக்கு எமது e-News First சார்பாக வாழ்த்துக்களை தெரிவிப்பதில் இரட்டிப்பு மகிழ்ச்சி அடைகின்றோம்.
