Sponsored Advertisementspot_img
HomeLocal Newsநள்ளிரவில் அறைக்குள் மர்ம நபர்: காதலனுக்கு மெசேஜ் அனுப்பிய மகள்!

நள்ளிரவில் அறைக்குள் மர்ம நபர்: காதலனுக்கு மெசேஜ் அனுப்பிய மகள்!

  • நள்ளிரவில் அறைக்குள் புகுந்த மர்ம நபர் – காதலனுக்கு அனுப்பிய ஒற்றைக் குறுஞ்செய்தியால் தப்பிய குடும்பம்; 12 இலட்சம் கொள்ளை!
  • சிலாபத்தில் சினிமா பாணியில் துணிகரத் திருட்டு: சத்தம் போடாமல் காதலனுக்கு மெசேஜ் அனுப்பிய மகள் – அடுத்து நடந்தது என்ன?
  • வீட்டிற்குள் தூங்கிக் கொண்டிருந்தபோதே 11.70 இலட்சம் ரூபா பணம், நகை கொள்ளை – சி.சி.டி.வி. உதவியுடன் சிலாபம் பொலிஸார் தீவிர வேட்டை!

ஜுட் சமந்த

சிலாபம்: வீட்டில் அனைவரும் ஆழ்ந்த நித்திரையில் இருந்த நள்ளிரவு வேளையில், அறைக்குள் மர்ம நபர் ஒருவர் நிற்பதைக் கண்ட யுவதி ஒருவர், சாதுரியமாகச் செயற்பட்டு தனது காதலனுக்கு அனுப்பிய ஒற்றைக் குறுஞ்செய்தியால் பெரும் அசம்பாவிதம் தவிர்க்கப்பட்ட துணிகரச் சம்பவம் சிலாபத்தில் பதிவாகியுள்ளது.

சிலாபம் – பங்கதெனிய, பள்ளம வீதியைச் சேர்ந்த 44 வயதான வர்ணகுலசூரிய பொன்னிகுட்டிகே ரெவிணி தக்ஷிலா பெர்னாண்டோ என்பவர் அளித்த முறைப்பாட்டிற்கு அமைய, சிலாபம் பொலிஸார் இந்தச் சம்பவம் தொடர்பில் தீவிர விசாரணைகளை ஆரம்பித்துள்ளனர். கடந்த 14 ஆம் திகதி இரவு 11.45 மணிக்கும், 15 ஆம் திகதி அதிகாலை 2.00 மணிக்கும் இடைப்பட்ட நேரத்திலேயே இந்தத் திருட்டு இடம்பெற்றுள்ளது.

வழமைபோல குறித்த நாளிரவும் கணவன் ஒரு அறையிலும், முறைப்பாட்டாளரும் அவரது மகளும் மற்றொரு அறையிலும் உறங்கிக் கொண்டிருந்தனர். நள்ளிரவில் கண்விழித்த மகள், தமது அறைக்குள் வெள்ளை நிறக் காலர் கொண்ட ஆடையணிந்த மர்ம நபர் ஒருவர் நிற்பதைக் கண்டு அதிர்ச்சியில் உறைந்துள்ளார்.

எனினும், சத்தமிட்டால் ஆபத்து ஏற்படக்கூடும் என்பதை உணர்ந்த அந்த யுவதி, துளியும் சத்தமின்றித் தனது கைத்தொலைபேசி ஊடாகக் காதலனுக்குக் குறுஞ்செய்தி (SMS) ஒன்றை அனுப்பி நிலைமையைத் தெரிவித்துள்ளார். நிலைமையின் தீவிரத்தைப் புரிந்துகொண்ட காதலன், உடனடியாக யுவதியின் தந்தைக்குத் தொலைபேசி அழைப்பை எடுத்துத் தகவலைக் கூறியுள்ளார்.

இதனையடுத்து வீட்டிலிருந்த அனைவரும் அவசரமாக விழித்தெழுந்து சோதனையிட்டபோதே, கொள்ளையன் தப்பிச் சென்றிருந்தமை தெரியவந்தது. வீட்டிலிருந்த 03 இலட்சம் ரூபா பணம் மற்றும் சுமார் 8 இலட்சத்து 70 ஆயிரம் ரூபா பெறுமதியான தங்க ஆபரணங்கள் என மொத்தம் 11 இலட்சத்து 70 ஆயிரம் ரூபா பெறுமதியான சொத்துக்கள் கொள்ளையிடப்பட்டிருந்தமை இதன்போது கண்டறியப்பட்டது.

சம்பவ இடத்திற்கு விரைந்த பொலிஸார் மேற்கொண்ட ஆரம்பகட்ட சோதனையில், வீட்டின் சமையலறையிலுள்ள பாதுகாப்பற்ற, பூட்டப்படாத ஜன்னல் வழியாகவே திருடன் உள்ளே நுழைந்துள்ளமை உறுதிப்படுத்தப்பட்டுள்ளது. தப்பிச் சென்ற சந்தேகநபரை அடையாளம் காண்பதற்காக, அயலிலுள்ள கட்டடங்களில் பொருத்தப்பட்டுள்ள சி.சி.டி.வி. (CCTV) கமரா பதிவுகளைப் பெற்று சிலாபம் பொலிஸ் குற்றப் புலனாய்வுப் பிரிவினர் மேலதிக விசாரணைகளைத் தீவிரப்படுத்தியுள்ளனர்.

RELATED ARTICLES

ALTEC SOLUTION

Official Instagram

Most Popular

நள்ளிரவில் அறைக்குள் மர்ம நபர்: காதலனுக்கு மெசேஜ் அனுப்பிய மகள்!

  • நள்ளிரவில் அறைக்குள் புகுந்த மர்ம நபர் – காதலனுக்கு அனுப்பிய ஒற்றைக் குறுஞ்செய்தியால் தப்பிய குடும்பம்; 12 இலட்சம் கொள்ளை!
  • சிலாபத்தில் சினிமா பாணியில் துணிகரத் திருட்டு: சத்தம் போடாமல் காதலனுக்கு மெசேஜ் அனுப்பிய மகள் – அடுத்து நடந்தது என்ன?
  • வீட்டிற்குள் தூங்கிக் கொண்டிருந்தபோதே 11.70 இலட்சம் ரூபா பணம், நகை கொள்ளை – சி.சி.டி.வி. உதவியுடன் சிலாபம் பொலிஸார் தீவிர வேட்டை!

ஜுட் சமந்த

சிலாபம்: வீட்டில் அனைவரும் ஆழ்ந்த நித்திரையில் இருந்த நள்ளிரவு வேளையில், அறைக்குள் மர்ம நபர் ஒருவர் நிற்பதைக் கண்ட யுவதி ஒருவர், சாதுரியமாகச் செயற்பட்டு தனது காதலனுக்கு அனுப்பிய ஒற்றைக் குறுஞ்செய்தியால் பெரும் அசம்பாவிதம் தவிர்க்கப்பட்ட துணிகரச் சம்பவம் சிலாபத்தில் பதிவாகியுள்ளது.

சிலாபம் – பங்கதெனிய, பள்ளம வீதியைச் சேர்ந்த 44 வயதான வர்ணகுலசூரிய பொன்னிகுட்டிகே ரெவிணி தக்ஷிலா பெர்னாண்டோ என்பவர் அளித்த முறைப்பாட்டிற்கு அமைய, சிலாபம் பொலிஸார் இந்தச் சம்பவம் தொடர்பில் தீவிர விசாரணைகளை ஆரம்பித்துள்ளனர். கடந்த 14 ஆம் திகதி இரவு 11.45 மணிக்கும், 15 ஆம் திகதி அதிகாலை 2.00 மணிக்கும் இடைப்பட்ட நேரத்திலேயே இந்தத் திருட்டு இடம்பெற்றுள்ளது.

வழமைபோல குறித்த நாளிரவும் கணவன் ஒரு அறையிலும், முறைப்பாட்டாளரும் அவரது மகளும் மற்றொரு அறையிலும் உறங்கிக் கொண்டிருந்தனர். நள்ளிரவில் கண்விழித்த மகள், தமது அறைக்குள் வெள்ளை நிறக் காலர் கொண்ட ஆடையணிந்த மர்ம நபர் ஒருவர் நிற்பதைக் கண்டு அதிர்ச்சியில் உறைந்துள்ளார்.

எனினும், சத்தமிட்டால் ஆபத்து ஏற்படக்கூடும் என்பதை உணர்ந்த அந்த யுவதி, துளியும் சத்தமின்றித் தனது கைத்தொலைபேசி ஊடாகக் காதலனுக்குக் குறுஞ்செய்தி (SMS) ஒன்றை அனுப்பி நிலைமையைத் தெரிவித்துள்ளார். நிலைமையின் தீவிரத்தைப் புரிந்துகொண்ட காதலன், உடனடியாக யுவதியின் தந்தைக்குத் தொலைபேசி அழைப்பை எடுத்துத் தகவலைக் கூறியுள்ளார்.

இதனையடுத்து வீட்டிலிருந்த அனைவரும் அவசரமாக விழித்தெழுந்து சோதனையிட்டபோதே, கொள்ளையன் தப்பிச் சென்றிருந்தமை தெரியவந்தது. வீட்டிலிருந்த 03 இலட்சம் ரூபா பணம் மற்றும் சுமார் 8 இலட்சத்து 70 ஆயிரம் ரூபா பெறுமதியான தங்க ஆபரணங்கள் என மொத்தம் 11 இலட்சத்து 70 ஆயிரம் ரூபா பெறுமதியான சொத்துக்கள் கொள்ளையிடப்பட்டிருந்தமை இதன்போது கண்டறியப்பட்டது.

சம்பவ இடத்திற்கு விரைந்த பொலிஸார் மேற்கொண்ட ஆரம்பகட்ட சோதனையில், வீட்டின் சமையலறையிலுள்ள பாதுகாப்பற்ற, பூட்டப்படாத ஜன்னல் வழியாகவே திருடன் உள்ளே நுழைந்துள்ளமை உறுதிப்படுத்தப்பட்டுள்ளது. தப்பிச் சென்ற சந்தேகநபரை அடையாளம் காண்பதற்காக, அயலிலுள்ள கட்டடங்களில் பொருத்தப்பட்டுள்ள சி.சி.டி.வி. (CCTV) கமரா பதிவுகளைப் பெற்று சிலாபம் பொலிஸ் குற்றப் புலனாய்வுப் பிரிவினர் மேலதிக விசாரணைகளைத் தீவிரப்படுத்தியுள்ளனர்.

RELATED ARTICLES

𝐀𝐋𝐓𝐄𝐂 𝐈𝐓 𝐒𝐎𝐋𝐔𝐓𝐈𝐎𝐍𝐒

Official Instagram

Most Popular