தற்போது நடைபெற்று வரும் 2026 ஐசிசி ஆண்கள் டி20 உலகக்கோப்பை (T20 World Cup 2026) தொடரில், பாகிஸ்தான் அணி அரையிறுதிக்கு முன்னேறுவதற்கான வாய்ப்பு இன்னும் மிச்சமுள்ளது. இருப்பினும், அது மிகவும் சவாலான ஒன்றாக மாறியுள்ளது.
பிப்ரவரி 27 அன்று நடைபெற்ற போட்டியில் இங்கிலாந்து அணி நியூசிலாந்தை தோற்கடித்ததன் மூலம் பாகிஸ்தானுக்கான கதவு திறந்துள்ளது. தற்போதுள்ள நிலையில், பாகிஸ்தான் அரையிறுதிக்குச் செல்ல செய்ய வேண்டியவை இதோ:
கட்டாய வெற்றி
பாகிஸ்தான் தனது கடைசி ‘சூப்பர் 8’ போட்டியில் (பிப்ரவரி 28, இன்று) இலங்கை அணியை கண்டிப்பாகத் தோற்கடிக்க வேண்டும். இந்தப் போட்டியில் தோல்வியடைந்தால் பாகிஸ்தான் தொடரிலிருந்து உடனடியாக வெளியேறிவிடும்.
நிகர ஓட்ட விகிதம் (Net Run Rate – NRR)
வெற்றி பெற்றால் மட்டும் போதாது, பாகிஸ்தான் மற்றும் நியூசிலாந்து ஆகிய இரு அணிகளும் தலா 3 புள்ளிகளுடன் சமநிலையில் இருக்கும். எனவே, நியூசிலாந்தின் நிகர ஓட்ட விகிதத்தை (+1.390) விட பாகிஸ்தான் (-0.461) அதிக ஓட்ட விகிதத்தைப் பெற வேண்டும்.
- அதனடிப்படையில் பாகிஸ்தான் முதலில் துடுப்பெடுத்தாடினால்: இலங்கை அணியை சுமார் 65 ஓட்டங்கள் (Runs) வித்தியாசத்தில் தோற்கடிக்க வேண்டும்.
- பாகிஸ்தான் இரண்டாவதாக துடுப்பெடுத்தாடினால்: இலங்கையினால் நிர்ணயிக்கப்படும் இலக்கை சுமார் 12 முதல் 13 ஓவர்களுக்குள் (7-8 ஓவர்கள் மீதமிருக்கையில்) எட்டிப் பிடிக்க வேண்டும்.
பாகிஸ்தான் அணி அரையிறுதிக்குத் தகுதி பெற, இன்று இலங்கைக்கு எதிராக மிகப் பெரிய வெற்றியைப் (Big Margin Win) பதிவு செய்ய வேண்டும். இங்கிலாந்து ஏற்கனவே தனது பிரிவில் 3 வெற்றிகளுடன் அரையிறுதிக்கு முன்னேறிவிட்டது என்பது குறிப்பிடத்தக்கது.
