நிலைபேறான கூட்டுறவு மேம்பாடிற்கான புதிய வழியைத் தொடங்குதல் என்ற தொனிப்பொருளில் வடமாகாணத்தின் கூட்டுறவுத்துறையை மேம்படுத்தல் தொடர்பான கலந்துரையாடல், கூட்டுறவு அபிவிருத்தி பிரதியமைச்சர் உபாலி சமரசிங்க தலைமையில் கிளிநொச்சி மாவட்ட செயலகத்தில் நடைபெற்றது.

மாவட்ட ரீதியான கூட்டுறவு தலைவர்கள், முகாமையாளர்கள் மற்றும் கிராம மட்ட கூட்டுறவு அமைப்புகளுக்கு கூட்டுறவு செயல் திறன் தொடர்பாக அறிவுறுத்தும் வகையில் இக் கலந்துரையாடல் இடம்பெற்றது.

குறித்த கலந்துரையாடலில் வடமாகாண ஆளுநர் நாகலிங்கம் வேதநாயகம், வடமாகாண மகளீர் விவகார அமைச்சின் செயலாளர் ,மாகாண கூட்டுறவு ஆணையாளர் ,ஐந்து மாவட்டங்களின் கூட்டுறவு உதவி ஆணையாளர்கள்,கூட்டுறவு துறைசார் சார் உத்தியோகத்தர்கள் கூட்டுறவு சங்கங்களின் தலைவர் ,கூட்டுறவுத்துறைசார்ந்தோர்,கூட்டுறவு சங்கங்களின் பிரதிநிகள் என பலர் கலந்து கொண்டுள்ளனர்.

கடந்த மார்ச் 15 ஆம் திகதி நடத்தப்பட்ட தேசிய விலங்குகள் குறித்து நடத்தப்பட்ட கணக்கெடுப்பு அறிக்கை இன்று (12) வெளியிடப்பட்டது.

இந்த நிகழ்வு விவசாய அமைச்சில் இடம்பெற்றது.

தொடர்புடைய அறிக்கையின்படி, விலங்குகள் தொடர்பிலான கணக்கெடுப்பில் வெளிப்படுத்தப்பட்ட தகவல்களை கீழே காணலாம்

குரங்குகள் – 5.17 மில்லியன் 

மந்திகள் – 1.74 மில்லியன் 

மயில்கள் – 4.24 மில்லியன் 

அணில்கள் – 2.66 மில்லியன்

நாடளாவிய ரீதியில் காணப்படுவதாக ஹெக்டர் கொப்பேகடுவ விவசாய ஆராய்ச்சி மற்றும் பயிற்சி நிறுவனத்தின் பணிப்பாளரும் பிரதம நிறைவேற்று அதிகாரியுமான ஏ.எஸ் சண்டிக தெரிவித்துள்ளார். 

இதேவேளை இந்த கணக்கெடுப்பிற்காக 2.7 மில்லியன் ரூபாய் செலவிடப்பட்டுள்ளதாக, விவசாய பணிப்பாளர் ஹேமந்த அமரசிங்க தெரிவித்துள்ளார்.

தென் கொரியாவின் குமியில் நடைபெற்ற 26வது ஆசிய தடகள சாம்பியன்ஷிப் போட்டியில் நாட்டைப் பிரதிநிதித்துவப்படுத்தி சிறந்த திறமைகளை வெளிப்படுத்திய விளையாட்டு வீரர்களை இராணுவத் தளபதி லெப்டினன் ஜெனரல் லசந்த ரொட்ரிகோ RSP ctf-ndu psc IG அவர்கள் 2025 ஜூன் 09 அன்று இராணுவத் தலைமையகத்தில் பாராட்டினார்.

இலங்கை இராணுவ தடகள அணியின் ஐந்து பெண் மற்றும் ஆறு ஆண்கள் அடங்கிய தடகள வீரர்கள் அவர்களின் பாராட்டத்தக்க சாதனைகளுக்காக அங்கீகரிக்கப்பட்டனர். சாதனையாளர்களில் இலங்கை இராணுவ மகளிர் படையணியின் பணிநிலை சாஜன் ஆர். நதீஷா மற்றும் 2 வது (தொ) இலங்கை இராணுவ சேவைப் படையணியின் பெண் சிப்பாய் எம்.எச்.ஜே உத்தரா 2 வது (தொ) ஆகியோரும் அடங்குவர்.

அவர்கள் மகளிர் 4×400 மீட்டர் அஞ்சலோட்டத்தில் வெண்கலப் பதக்கம் பெற்றனர். 2 வது (தொ) இலங்கை இராணுவ மகளிர் படையணியின் லான்ஸ் கோப்ரல் டபிள்யூ.ஏ.எம்.ஆர் விஜேசூரிய 10,000 மீட்டர் ஓட்டத்தில் 6 வது இடத்தைப் பிடித்து புதிய தேசிய சாதனை படைத்தார். 2 வது (தொண்டர்) இலங்கை மின்சார மற்றும் இயந்திர பொறியியல் படையணியின் அதிகாரவாணையற்ற அதிகாரி II எச்கேகே குமாரகே 400 மீட்டர் ஓட்டத்திலும் 4×400 மீட்டர் அஞ்சலோட்த்திலும் இரண்டு வெண்கலப் பதக்கங்களை வென்று இராணுவத்திற்கு பெருமை சேர்த்தார்.

விளையாட்டு வீரர்களின் அர்ப்பணிப்பு, ஒழுக்கம் மற்றும் தேசத்தின் முன்மாதிரியான பிரதிநிதித்துவத்திற்காக பாராட்டு தெரிவித்த இராணுவத் தளபதி அவர்களின் முயற்சிகளுக்கு மனமார்ந்த பாராட்டுகளைத் தெரிவித்தார்.

அவர்களின் குறிப்பிடத்தக்க சாதனைகளை அங்கீகரிக்கும் விதமாக, இராணுவத் தளபதி விளையாட்டு வீரர்களுக்கு சிறப்பு நினைவுப் பரிசுகள் மற்றும் நிதி ஊக்கத்தொகைகளை வழங்கினார், உலக அரங்கில் சிறந்து விளங்க தொடர்ந்து பாடுபட அவர்களை ஊக்குவித்தார். அவர்களின் எதிர்கால போட்டிகளுக்கு அவர் தனது வாழ்த்துக்களையும் தெரிவித்தார்.

இலங்கை இராணுவ தடகளக் குழுவின் தலைவர் மேஜர் ஜெனரல் பி.ஜி.எஸ். பெர்னாண்டோ USP Hdmc psc, இலங்கை இராணுவ விளையாட்டுப் பணிப்பக பணிப்பாளர் பிரிகேடியர் கே.ஏ.டி.சீ.ஆர் கன்னங்கர, RSP ndc ஆகியோர் இந்நிகழ்வில் கலந்து கொண்டார்.

பொலன்னறுவை மாவட்டத்தில் பயிரிடப்படாத நிலங்களில் பயிரிடுவதற்கு நடவடிக்கை.

நாட்டில் உணவு பாதுகாப்பை உறுதி செய்வதற்காக பயிரிடப்படாத நிலங்களில் பயிரிடுவதற்கு நடவடிக்கை எடுத்துள்ளதாக நகர அபிவிருத்தி, நிர்மாண மற்றும் வீடமைப்பு அமைச்சு தெரிவித்துள்ளது.

அதன்படி பொலன்னறுவை மாவட்டத்தில் விவசாய நிலங்களில் பயிரிடுவதற்கான உத்தேச வேலைத் திட்டத்தின் கீழ் மெதிரிகிரிய அக்பர் பிரதேசத்தில் செய்கை பண்ணப்படாத இடங்களில் பயிரிடுவதற்காக தென்னங்கன்றுகளை வழங்கும் நிகழ்வு நேற்று (11) இடம்பெற்றது.

அவ்வாறே கந்தளாய் சீனித் தொழிற்சாலைக்கு சொந்தமான 2000 ஏக்கர் நிலத்தில் சோளம் உற்பத்திக்கான தேசிய வேலைத்திட்டம் ஆரம்பிக்கப்பட்டுள்ளது.

மேலும் விவசாயத் திணைக்களம் உட்பட அரச தரப்பின் தலையீட்டுடன் இத்திட்டம் பொலன்னறுவை மாவட்டத்தில் நடைமுறைப்படுத்தப்பட்டுள்ளமை குறிப்பிடத்தக்கது.

நாடு முழுவதும் பரவி வரும் கொவிட் திரிபினால் பாதிக்கப்பட்டு இதுவரை இரண்டு பேர் உயிரிழந்துள்ளதாக தெரிவிக்கப்படுகிறது. 

சுகாதார மேம்பாட்டு பணியகத்தில் நடைபெற்ற ஊடகவியலாளர் சந்திப்பில் கலந்துகொண்ட வடமேல் மருத்துவ பீடத்தின் தலைமை மருத்துவப் பேராசிரியர் துஷாந்த மெதகெதர இதனைத் தெரிவித்தார். 

“இலங்கை தொற்று நோயியல் பிரிவு தகவலின்படி, சுவாச நோயாளிகளில் 9% முதல் 13% வரை தற்போது புதிய கொவிட் திரிபினால் பாதிக்கப்பட்டுள்ளனர். இந்த கொவிட் தொற்று மிகக் குறைந்த தீவிரத்தன்மை கொண்டது. இதனால் ஏற்படும் தாக்கம் மிகக் குறைவு. ஆனால் 65 வயதுக்கு மேற்பட்ட நோயாளிகளுக்கும் பலவீனமான நோயெதிர்ப்பு சக்தி கொண்டவர்களுக்கும் இது தீவிரமாக இருக்கலாம். இவ்வாறானவர்கள் இது தொடர்பில் அவதானமாக இருக்கு வேண்டும். இலங்கையில் இரண்டு மரணங்கள் நிகழ்ந்துள்ளன. இருவருக்கும் நோய்கள் இருந்தன. அதைத் தவிர, தற்போது எங்களுக்கு எந்த ஆபத்தான நிலைமைகளும் இல்லை, எனவே தேவையற்ற அச்சம் தேவையில்லை. ஆனால் குறிப்பிட்ட தரப்பினர் இது குறித்து விழிப்புடன் இருக்க வேண்டியது அவசியம்”

சிறைச்சாலைகள் திணைக்களத்தின் ஊடகப் பேச்சாளராகப் பணியாற்றிய சிறைச்சாலைகள் ஆணையாளர் காமினி பி. திசாநாயக்க, தனது இராஜினாமா கடிதத்தை சிறைச்சாலைகள் பதில் ஆணையாளரிடம் சமர்ப்பித்துள்ளதாகத் தெரிவிக்கப்படுகிறது. 

ஜனாதிபதி பொது மன்னிப்பை துஷ்பிரயோகம் செய்து அனுராதபுரம் சிறைச்சாலையில் இருந்து ஒரு கைதி விடுவிக்கப்பட்டமை தொடர்பான நிலைமையைக் கருத்தில் கொண்டு ஊடகப் பேச்சாளர் தனது இராஜினாமா கடிதத்தை சமர்ப்பித்துள்ளதாகக் கூறப்படுகிறது. 

இதேவேளை, சிறைச்சாலைகள் திணைக்களத்தை மறுசீரமைப்பதில் அரசாங்கம் அவதானம் செலுத்தியுள்ளதாக தெரிவிக்கப்படுகிறது. 

அதன்படி, நாடு முழுவதும் சிறைச்சாலை ஆணையாளர்கள் பதவிகளில் பல மாற்றங்கள் மேற்கொள்ளப்படவுள்ளன. 

சிறைச்சாலை ஆணையாளர் நாயகம் இடைநீக்கம் செய்யப்பட்டதைத் தொடர்ந்து, சிறைச்சாலைகள் மறுசீரமைப்பு மற்றும் நீதி அமைச்சின் மேலதிக செயலாளர் நிஷான் தனசிங்க, பதில் சிறைச்சாலைகள் ஆணையாளர் நாயகமாக நியமிக்கப்பட்டுள்ளார்.