தமிழகத்தின் புதிய முதலமைச்சராகப் பதவியேற்றுள்ள ஜோசப் விஜய், இன்று முன்னாள் முதலமைச்சர் மு.க.ஸ்டாலினை அவரது வீட்டிற்குச் சென்று சந்தித்து வாழ்த்துப் பெற்றுள்ள நிகழ்வு முக்கிய அரசியல் விவாதங்களை ஏற்படுத்தியுள்ளது. முன்னாள் முதல்வரை, இந்நாள் முதல்வர் சந்தித்து வாழ்த்துப் பெற்ற நிகழ்வுகள் அரிதாக தமிழக அரசியலில் நடந்துள்ளன.
தமிழ்நாடு முதலமைச்சராகப் பொறுப்பேற்றுள்ள விஜய் அரசியல் நாகரிகத்துடன் என்னைச் சந்தித்து வாழ்த்து பெற்றார். அவருக்கு என் அன்புநிறை வாழ்த்துகளையும், ஆலோசனைகளையும் வழங்கினேன் என்று ஸ்டாலின் தெரிவித்துள்ளார்.
பொதுவாகத் தமிழகத்தில் ஆட்சி மாற்றம் ஏற்படும்போது, புதிய முதலமைச்சர் பதவியேற்பு விழாவிற்கு முன்னாள் முதலமைச்சர்களுக்கு அழைப்பு விடுக்கப்படுவதும், அதில் அவர்கள் கலந்து கொள்வதும் ஒரு மரபாக இருந்து வருகிறது. 2021-ல் மு.க. ஸ்டாலின் பதவியேற்பு விழாவில் ஓ. பன்னீர்செல்வம் கலந்துகொண்டிருந்தார்.
பொதுவாகத் தமிழகத்தில் ஆட்சி மாற்றம் ஏற்படும்போது, புதிய முதலமைச்சர் பதவியேற்பு விழாவிற்கு முன்னாள் முதலமைச்சர்களுக்கு அழைப்பு விடுக்கப்படுவதும், அதில் அவர்கள் கலந்து கொள்வதும் ஒரு மரபாக இருந்து வருகிறது. 2021-ல் மு.க. ஸ்டாலின் பதவியேற்பு விழாவில் ஓ. பன்னீர்செல்வம் கலந்துகொண்டிருந்தார்.
மு.க.ஸ்டாலின் – ஓ.பன்னீர்செல்வம் (2021)
2021 சட்டமன்றத் தேர்தலில் வெற்றி பெற்ற பிறகு, முதலமைச்சராகப் பொறுப்பேற்பதற்கு முன்பு மு.க.ஸ்டாலின், முன்னாள் முதலமைச்சர் ஓ. பன்னீர்செல்வத்தை அவரது இல்லத்தில் நேரில் சந்தித்தார். அப்போது ஓ.பி.எஸ் அவருக்குப் பொன்னாடை போர்த்தி வாழ்த்து தெரிவித்தார். இது ஒரு நாகரீகமான அரசியல் நிகழ்வாகப் பார்க்கப்பட்டது.
மு.க.ஸ்டாலின் – எடப்பாடி பழனிசாமி (சட்டசபை சந்திப்பு)
முதலமைச்சராக மு.க.ஸ்டாலின் பொறுப்பேற்ற பிறகு, சட்டசபை வளாகத்தில் எதிர்க்கட்சித் தலைவர் என்ற முறையில் எடப்பாடி பழனிசாமியை முதலமைச்சர் ஸ்டாலின் சந்தித்து நலம் விசாரித்த நிகழ்வுகள் நடந்துள்ளன. குறிப்பாக, கொரோனா பேரிடர் காலத்தில் ஆலோசனைக் கூட்டங்களின் போது இத்தகைய சந்திப்புகள் நிகழ்ந்தன.
தற்போது விஜய் – ஸ்டாலின்
தமிழ்நாட்டின் புதிய முதல்வராகப் பொறுப்பேற்றுள்ள தவெக தலைவர் ஜோசப் விஜய், திமுக தலைவரும் முன்னாள் முதல்வருமான மு.க.ஸ்டாலினை அவரது இல்லத்தில் சந்தித்து வாழ்த்துப் பெற்றார். முன்னாள் முதல்வர் ஸ்டாலினின் வீட்டுக்கு வந்த முதல்வர் விஜய்யை, முன்னாள் துணை முதல்வர் உதயநிதி ஸ்டாலின் கட்டியணைத்து வரவேற்றார். பின்னர், முதல்வர் விஜய்யை சந்தித்தபோது, முன்னாள் முதல்வர் ஸ்டாலின் ஆரத்தழுவிக் கொண்டு, பொன்னாடை போர்த்தி, வாழ்த்து தெரிவித்தார்.
தமிழக அரசியல் வரலாற்றில் இதுபோன்ற சந்திப்புகள் வெறும் வாழ்த்தாக மட்டும் இல்லாமல், ஒரு தலைமுறையிலிருந்து அடுத்த தலைமுறைக்கு அதிகாரம் கைமாறும் ஒரு கண்ணியமான நிகழ்வாகவும் பார்க்கப்படுகின்றன. இந்நிலையில் இந்த வழக்கத்தை விஜய்யும் பின்பற்றுவது பாராட்டுகளைப் பெற்று வருகிறது.
