புத்தளம் எருக்கலம்பிட்டி முஸ்லீம் மகா வித்தியாலயத்தின் பழைய மாணவரும் தற்போது மன்னார் பொது வைத்தியசாலையில் (மாவட்ட வைத்தியசாலை) கணக்குப்பிரிவில் அபிவிருத்தி உத்தியோகத்தராக கடமை புரிபவருமான அமீர் ஹம்சா இன்ஸாத் தனது முதுமானி கற்கை நெறியை (MPA) பூர்த்தி செய்துள்ளார்.
பொது நிர்வாகத்தில் முதுநிலை (Masters in Public Administration – MPA) கற்கையை ஆங்கில மொழி மூலம் கொழும்பு பல்கலைக்கழகத்தில் பாரிய சவால்களுக்கு மத்தியில் நிறைவுசெய்த அமீர் ஹம்சா இன்ஸாத் 2004 ஆம் ஆண்டு தனது உயர்தர படிப்பை பூர்த்தி செய்தார்.
சாதாரண குடும்ப பின்னணயில் பல கஷ்டங்களுக்கு மத்தியில் வணிகப்பிரிவில் கல்விகற்ற அமீர் ஹம்சா இன்ஸாத் 2010 ஆம் ஆண்டு தனது பட்டப்படிப்பை கிழக்கு பல்கலைக்கழகத்தில் நிறைவுசெய்தார்.
மன்னார் பிரதேச சபையில் பணியை ஆரம்பிப்பதற்கான தனது முதலாவது நியமனக்கடித்ததை 2011 நவம்பர் 14 ஆம் திகதி பெற்றுக்கொண்டு தனது கடமைகளை ஆரம்பித்தார்.
2017 ஜூலை 2 ஆம் திகதி வரை சுமார் ஐந்தரை வருடங்கள் மன்னார் பிரதேச சபையில் உயரிய சேவை வழங்கிய அமீர் ஹம்சா இன்ஸாத் மன்னார் பொது வைத்தியசாலைக்கு (மாவட்ட வைத்தியசாலை) மாற்றப்பட்டார்.
மன்னார் பொது வைத்தியசாலையில் (மாவட்ட வைத்தியசாலை) கணக்குப்பிரிவில் அபிவிருத்தி உத்தியோகத்தராக இன்றுவரை கடமையாற்றிவரும் அவருக்கு ஊர் மக்கள் பலரும் தமது வாழ்த்துக்களை தெரிவித்து வருகின்றனர்.
இவரது கல்வி எம் சமூகத்துக்கு பிரயோசனம் அளிக்க அல்லாஹ்விடம் பிரார்த்திப்பதுடன் எமது வாழ்த்துக்களையும் தெரிவித்துக்கொள்கிறோம்.
