• வைத்தியசாலைகளில் வெடிக்கப்போகும் போராட்டம்: GMOA விடுத்துள்ள அவசர எச்சரிக்கை!
• இலவச சுகாதாரத்துறைக்கு விழுந்த அடி: நாடளாவிய ரீதியில் களமிறங்கும் அரச வைத்தியர்கள்!
• பொருளாதாரத்தை மீட்டெடுத்தோம், ஆனால் வைத்தியர்களை மறந்ததா அரசு? GMOA அதிரடி!

இலங்கையின் இலவச சுகாதாரக் கட்டமைப்பு மீண்டும் ஒரு பாரிய நெருக்கடியை நோக்கி நகர்கிறதா என்ற அச்சத்தை ஏற்படுத்தும் வகையில், அரச மருத்துவ அதிகாரிகள் சங்கம் (GMOA) அதிரடி அறிவிப்பொன்றை வெளியிட்டுள்ளது. நாட்டின் பிரதான வைத்தியசாலைகளை முடக்கும் வகையிலான தொடர் எதிர்ப்புப் போராட்டங்களை எதிர்வரும் நாட்களில் நாடளாவிய ரீதியில் முன்னெடுக்க உள்ளதாக சங்கம் உத்தியோகபூர்வமாக அறிவித்துள்ளது.

நாடு முன்னெப்பொழுதும் சந்தித்திராத கொடூரமான பொருளாதார நெருக்கடியைச் சந்தித்த வேளையில், தங்களின் மேலதிக கடமை மற்றும் விடுமுறை கொடுப்பனவுகளில் மூன்றில் ஒரு பங்கை விட்டுக் கொடுத்து, சுகாதாரத்துறையைத் தாங்கிப் பிடித்தவர்கள் இதே அரச வைத்தியர்கள்தான். அவ்வாறான தியாகங்களைச் செய்த மருத்துவ சமூகத்திற்கு, நாடு இயல்பு நிலைக்குத் திரும்பிக் கொண்டிருக்கும் சூழலிலும் உரிய நீதி கிடைக்கவில்லை என்பதே தற்போது வெடித்துள்ள பிரதான விவாதமாகும்.

பொருளாதார மீட்சி குறித்து அரசாங்கம் பல்வேறு மட்டங்களில் பெருமிதம் கொண்டாலும், சுகாதாரப் பணியாளர்கள் எதிர்நோக்கும் மிகக் கடுமையான ஊழியர் பற்றாக்குறை, நீண்டகால சம்பள இழுபறிகள் மற்றும் அடக்குமுறைச் சட்டங்கள் தொடர்பில் அரசு போதிய கவனம் செலுத்தத் தவறிவிட்டதாக GMOA கடுமையாகச் சாடியுள்ளது. இது வெறும் வைத்தியர்களின் தனிப்பட்ட கோரிக்கை மட்டுமல்ல, ஒட்டுமொத்த இலவச சுகாதார முறையையும் பாதுகாப்பதற்கான போராட்டம் என அவர்கள் தெளிவுபடுத்தியுள்ளனர்.

இந்தப் பிரச்சினைகளுக்கு ஜனநாயக ரீதியில் சுமூக தீர்வு காணும் நோக்கில், ஜனாதிபதி அநுர குமார திசாநாயக்க, பிரதமர் ஹரிணி அமரசூரிய மற்றும் சுகாதார அமைச்சர் ஆகியோருடன் நேரடியாகப் பேச்சுவார்த்தை நடத்த பலமுறை முயற்சிகள் மேற்கொள்ளப்பட்ட போதிலும், அவற்றுக்கு உரிய பதில் கிடைக்கவில்லை என சங்கம் குற்றம் சுமத்துகிறது.

அதிகாரத் தரப்பின் மௌனம் தொடரும் பட்சத்தில், நாடு தழுவிய ரீதியில் வைத்தியசாலை முன்றல்களில் தீவிரமடையவுள்ள இந்த எதிர்ப்புப் போராட்டங்கள், நோயாளர்களுக்கும் நாட்டின் பொது சுகாதார நிர்வாகத்திற்கும் எத்தகைய தாக்கத்தை ஏற்படுத்தப் போகின்றன என்ற அச்சம் தற்போது பொதுமக்கள் மத்தியில் வேகமாக எழுந்துள்ளது.

• நடுக்கடலில் மிதந்த தெப்பம்: தொடுவாவையில் மாயமான மூத்த மீனவருக்கு தீவிர தேடுதல்!
• தொடுவாவை கடலில் நடந்தது என்ன? படகு மீட்கப்பட்டும் மீனவர் மாயம்!
• கடல் அலைக்குள் சிக்கிய தெப்பம்: 66 வயது மீனவரைத் தேடி களமிறங்கிய கிராமம்!

ஜூட் சமந்த

தொடுவாவை, பருதெல்பொல பகுதியைச் சேர்ந்த 66 வயதான வர்ணகுலசூரிய சுனில் பெர்னாண்டோ என்ற முதியவர், வழமை போல் தனது வாழ்வாதாரத்திற்காகக் கடலை நோக்கிப் புறப்பட்டார். கடந்த 02ஆம் திகதி அதிகாலை 4.00 மணியளவில் மீன்பிடிப்பதற்காகத் தெப்பத்தில் சென்ற அவர், நீண்ட நேரமாகியும் கரை திரும்பவில்லை. இதனால் பதற்றமடைந்த அவரது உறவினர்கள், தொடுவாவை பொலிஸ் நிலையத்தில் உடனடியாக முறைப்பாடு பதிவு செய்தனர்.

பொலிஸாரும் உறவினர்களும் அவர் வருவார் என ஆவலோடு காத்திருந்த வேளையில், கடலில் இருந்து ஒரு அதிர்ச்சித் தகவல் கிராமத்தை எட்டியது. ஆழ்கடல் பகுதியில் அவர் சென்ற தெப்பமும், மீன்பிடி வலை உள்ளிட்ட உபகரணங்களும் ஆளற்ற நிலையில் தனியாக மிதந்து கொண்டிருப்பதை சக மீனவர்கள் அவதானித்துக் கண்டுபிடித்தனர்.

மீனவர் இன்றி படகு மட்டும் அநாதையாக மிதந்த காட்சி, அப்பகுதியில் நிலவிய சீரற்ற வானிலையினால் ஏற்பட்ட விபத்தை உறுதிப்படுத்துவதாக அமைந்தது. கடல் கொந்தளிப்பு காரணமாக தெப்பம் கவிழ்ந்திருக்கலாம் என பொலிஸார் ஆரம்பக்கட்ட விசாரணைகளில் சந்தேகம் வெளியிட்டுள்ளனர்.

தற்போது கடலில் மாயமான சுனில் பெர்னாண்டோவை எப்படியாவது உயிருடன் மீட்டுவிட வேண்டும் என்ற நோக்கில், அப்பகுதி மீனவர்கள் ஒன்றிணைந்து ஆழ்கடலில் தீவிர தேடுதல் நடவடிக்கையை முன்னெடுத்து வருகின்றனர்.

• கற்பிட்டியில் சாதித்துக் காட்டிய திறமையாளர்களுக்கு தேசிய மட்ட கௌரவம்: களமிறங்கியது ‘Assad Inspire Award’!
• க.பொ.த சாதனையாளர்களை கொண்டாடும் புத்தளம்: நாடளாவிய தொடரில் இணைந்த கற்பிட்டி வலயம்!
• எதிர்கால தலைமுறையை செதுக்கும் மாபெரும் முயற்சி: புத்தளத்தில் மாணவர்களுக்கு மகுடம் சூட்டும் கௌரவிப்பு!

கல்வியில் பின்தங்கிய பகுதி என்ற பொதுவான பிம்பங்களை உடைத்தெறிந்து, மட்டுப்படுத்தப்பட்ட வசதிகளுக்கு மத்தியிலும் தேசிய பரீட்சைகளில் வரலாற்றுச் சாதனைகளை நிலைநாட்டும் புத்தளத்து மாணவர்களின் ஆற்றல் மீண்டும் ஒருமுறை கல்பிட்டி மண்ணில் பறைசாற்றியுள்ளது.

கற்பிட்டி கோட்டக் கல்விப் பணிமனையின் ஆளுகைக்குட்பட்ட 44 பாடசாலைகளைப் பிரதிநிதித்துவப்படுத்தி, க.பொ.த. உயர்தரப் பரீட்சையில் 3A சித்திகளைப் பெற்றுப் பல்கலைக்கழக வாய்ப்புகளை உறுதிசெய்த மற்றும் சாதாரண தரப் பரீட்சையில் 9A சித்திகளை அள்ளிக்குவித்த சாதனை மாணவர்களைக் கௌரவிக்கும் நிகழ்வு நேற்று கல்பிட்டி சேயாப் மண்டபத்தில் வெகு விமரசையாக இடம்பெற்றது.

கற்பிட்டி மண்ணில் கல்விப் புரட்சியை அடுத்த தலைமுறைக்குக் கடத்தும் நோக்கில், அகில இலங்கை மக்கள் காங்கிரஸின் புத்தளம் மாவட்ட பாராளுமன்ற உறுப்பினர் NTM தாஹிர் அவர்களின் பிரதான நெறிப்படுத்தளில், கற்பிட்டி நகர அமைப்பாளர் எம்.எஸ்.எம். இல்மியாஸின் தலைமையில் இடம்பபெற்ற குறித்த நிகழ்வில், அகில இலங்கை மக்கள் காங்கிரஸின் தேசியத் தலைவரும் முன்னாள் அமைச்சரும், வன்னி மாவட்டப் பாராளுமன்ற உறுப்பினருமான அல்ஹாஜ் றிஷாட் பதியுதீன் பிரதம அதிதியாக வருகை தந்து அரங்கை அலங்கரித்தார்.

இலங்கையின் கல்வி வரைபடத்தில் கடலோர கிராமப்புற மாணவர்களின் திறமைகளும் சமமாக அங்கீகரிக்கப்பட வேண்டும் என்ற தொலைநோக்குடன், அகில இலங்கை மக்கள் காங்கிரஸின் கல்வி, கலாச்சார மற்றும் நலன்புரிப் பிரிவு இந்த பாரிய கல்வி ஊக்குவிப்பு முன்னெடுப்பை நாடளாவிய ரீதியில் விரிவுபடுத்தியுள்ளது. அதன் ஒரு முக்கிய அங்கமாகவே கற்பிட்டி மண்ணின் சாதனைச் செல்வங்கள் நேற்று கௌரவத்து பாராட்டப்பட்டனர்.

“AWARD OF EXCELLENCE – ASSAD INSPIRE AWARD” எனும் தனித்துவமான அடையாளத்துடன் தொடர்ச்சியாக அரங்கேறி வரும் இத்திட்டம், வெறும் சான்றிதழ்களைக் கையளிக்கும் சடங்காக இல்லாமல், மாணவர்களின் உள்ளார்ந்த தலைமைத்துவப் பண்புகளையும் எதிர்கால உயர்கல்வி உத்வேகத்தையும் உயிர்ப்பிக்கும் ஒரு களமாக வடிவமைக்கப்பட்டுள்ளது. கடுமையான போட்டிச் சூழலைத் தாண்டி சிறந்த சித்திகளை எட்டிய மாணவர்களின் விடாமுயற்சிக்கு பொதுவெளியில் மகுடம் சூட்டப்படுவதன் மூலம் ஒட்டுமொத்த பிராந்தியத்தின் கல்வி மனப்பான்மை அடுத்த நிலைக்கு உயர்த்தப்படுகிறது.

புத்தளம் மாவட்டத்தின் கற்பிட்டி வலயத்தில் கல்வி கற்கும் அடுத்த தலைமுறை மாணவர்களுக்கும் ஒரு முன்னுதாரண ஒளியாக இச்சாதனையாளர்களை நிலைநிறுத்தும் இந்நிகழ்வு, பெற்றோர்களினதும் சமூகத்தினதும் பெருமிதத்தை வெளிப்படுத்தும் வகையிலான விரிவான ஏற்பாடுகளுடன் நடைற்று வருகின்றமை குறிப்பிடத்தக்கது.

குறித்த நிகழ்வில் பிரதேசப் பாடசாலைகளின் அதிபர்கள், புத்தளம் வலயக் கல்விப் பணிமனையின் அதிகாரிகள், சமூகப் பெரியார்கள், பெற்றோர்கள் மற்றும் ஆயிரக்கணக்கான மக்கள் பங்கேற்றனர்.

• தந்தையின் நலம் விசாரிக்க வந்த மகளுக்கு காத்திருந்த அதிர்ச்சி: வீட்டிற்குள் சடலமாக மீட்பு!
• பூட்டிய அறைக்குள் நடந்தது என்ன? மாதம்பே பகுதியில் மூத்த பிரஜையின் மர்ம மரணம்!
• சில நாட்களுக்கு முன்னரே பிரிந்த உயிர்: காகாப்பள்ளியில் தீவிரமடையும் பொலிஸ் விசாரணை!

ஜுட் சமந்த

மாதம்பே: தந்தையின் நலம் விசாரிக்க ஆசையோடு வீட்டிற்குள் நுழைந்த மகளுக்கு, வாழ்நாளில் மறக்க முடியாத பேரதிர்ச்சி காத்திருந்த சம்பவம் மாதம்பே பொலிஸ் பிரிவிற்குட்பட்ட பகுதியில் பெரும் பரபரப்பை ஏற்படுத்தியுள்ளது.

காகாப்பள்ளிய – மனக்குளம், கொஹோம்பவத்தை பகுதியைச் சேர்ந்த விதான ஆரச்சிலாகே ஹரிஸ்சந்திர என்ற 72 வயதுடைய குடும்பஸ்தரே இவ்வாறு சந்தேகத்திற்கிடமான முறையில் சடலமாக மீட்கப்பட்டுள்ளர்.

கடந்த முதலாம் திகதி மாலை வேளையில், தனிமையில் வசித்து வந்த தந்தையின் சுகதுக்கங்களை விசாரிப்பதற்காக அவரது மகள் வீட்டிற்கு வந்துள்ளார். எனினும், வீட்டின் பிரதான அறைக்குள் சென்று பார்த்தபோது தந்தை அசைவற்று கிடந்ததைக் கண்டு அவர் நிலைகுலைந்து போயுள்ளார்.

பதறிப்போன மகள் உடனடியாக மாதம்பே பொலிஸ் நிலையத்திற்குச் சென்று முறைப்பாடு அளித்துள்ளார். தகவல் அறிந்து விரைந்து வந்த பொலிஸார் சடலத்தை பார்வையிட்டபோது, இந்த மரணம் நிகழ்ந்து சில நாட்கள் கடந்திருக்கலாம் என்பதற்கான தடயங்கள் தெரியவந்துள்ளன.

உயிரிழந்த நபர் அளவுக்கு அதிகமாக மது அருந்தும் பழக்கத்திற்கு அடிமையானவர் என பிரதேசவாசிகள் மத்தியில் கூறப்படும் நிலையில், இந்த மரணத்திற்கான உண்மையான காரணம் என்ன என்பது மர்மமாகவே நீடிக்கிறது.

சம்பவ இடத்திற்கு வருகை தரும் நீதவானின் ஆரம்பகட்ட விசாரணைகளின் பின்னர் உடற்கூற்று பரிசோதனைக்காக சடலம் கொண்டு செல்லப்படவுள்ளதுடன், மாதம்பே பொலிஸார் இது கொலையா அல்லது இயற்கையான மரணமா என்ற பல கோணங்களில் தீவிர விசாரணைகளை முன்னெடுத்து வருகின்றனர்.

• நள்ளிரவில் கணவன் என நினைத்து ஏமாந்த அரசு ஊழியர்: தங்க நகையுடன் தப்பியோடிய மர்ம நபர்!
• கட்டிலில் இருந்து பாய்ந்தோடியது யார்? தங்கொட்டுவையில் உறைய வைக்கும் நள்ளிரவு அதிர்ச்சி!
• சமையலறை ஜன்னல் வழியாக ஊடுருவிய நிழல்: தூக்கத்தில் இருந்த பெண்ணுக்கு நேர்ந்த கொடூரம்!

ஜுட் சமந்த

தங்கொட்டுவை: இரவு உணவு முடிந்து வழமைபோல் தூங்கச் சென்ற ஒரு பெண்ணின் வாழ்வில், அதிகாலைப் பொழுதில் இடி விழுந்தது போல் நிகழ்ந்த கொடூரச் சம்பவம் அப்பகுதி மக்களையே பெரும் அதிர்ச்சிக்குள்ளாக்கியுள்ளது.

தங்கொட்டுவை – கட்டுகெந்த பகுதியைச் சேர்ந்த 59 வயதுடைய அரச பெண் ஊழியர் ஒருவரே இந்த எதிர்பாராத துயரத்திற்கு முகங்கொடுத்துள்ளார். கடந்த ஒக்டோபர் 31ஆம் திகதி இரவு உணவு உட்கொண்டு விட்டு அவர் நிம்மதியாக உறங்கச் சென்றுள்ளார்.

அடுத்த நாள் (நவம்பர் 01) அதிகாலை வேளையில், நபர் ஒருவர் தன்னுடன் உறவில் ஈடுபட்டபோது, அது தன் கணவர்தான் என முழுமையாக நம்பியுள்ளார். அதனால் எவ்வித சந்தேகமும் இன்றி அமைதியாக இருந்துள்ளார்.

ஆனால், சில கணங்களிலேயே நிகழ்ந்த ஒரு திருப்பம் அந்தப் பெண்ணின் வாழ்க்கையையே உலுக்கியுள்ளது. சம்பந்தப்பட்ட நபர் திடீரென படுக்கையிலிருந்து பாய்ந்து கொண்டு நள்ளிருளில் தப்பியோடியுள்ளார். பதறியடித்துக்கொண்டு எழுந்து பார்த்தபோது, அவரது உண்மையான கணவர் வீட்டின் மற்றுமொரு அறையில் அயர்ந்து தூங்கிக் கொண்டிருந்த அதிர்ச்சி காட்சி தெரியவந்துள்ளது.

கணவனை எழுப்பி நடந்தவற்றை கூறி உடனடியாக வீட்டை சோதனை செய்தபோதுதான், அங்கிருந்த 3 இலட்சத்து 45 ஆயிரம் ரூபாய் பெறுமதியான தங்க மோதிரமும் மாயமாகியிருந்த உண்மை அம்பலமானது. நள்ளிரவு அமைதியை பயன்படுத்தி திட்டமிட்டு வந்த கொள்ளையனின் வக்கிர புத்தி இதில் தெளிவாகியுள்ளது.

வீட்டின் சமையலறை ஜன்னல் வழியாகவே அந்த மர்ம நபர் சத்தமின்றி உள்ளே நுழைந்து இக்கொடூர குற்றத்தையும் திருட்டையும் அரங்கேற்றியுள்ளதாக பொலிஸாரின் முதற்கட்ட விசாரணைகளில் இருந்து தெரியவந்துள்ளது.

தப்பியோடிய அந்த அடையாளம் தெரியாத நபரை வலைவீசித் தேடி வரும் தங்கொட்டுவை பொலிஸார், சம்பவ தொடர்பில் மேலதிக தீவிர விசாரணைகளை முன்னெடுத்து வருகின்றனர்.

• கண்ணிமைக்கும் நேரத்தில் நிகழ்ந்த விபரீதம்: மீன் தொட்டியில் விழுந்து 1 வயது பெண் குழந்தை பலி!
• உன்னோடுதான் இருக்கிறாள் என நினைத்த தாய்: உடப்புவையில் தாய்மாரை பதற வைத்த கோரச் சம்பவம்!
• வீட்டின் முன் இருந்த மீன் தொட்டி எமனாக மாறிய சோகம்: புத்தளம் உடப்புவையில் கண்ணீர்க் குரல்!

ஜுட் சமந்த

உடப்புவை: ஒரு நொடி கவனக்குறைவு வாழ்நாள் முழுக்க ஆறாத வடுக்களைத் தந்துவிடும் என்பதற்கு சான்றாக, உடப்புவை பெரியபாடு பகுதியில் ஒரு வயதுக் குழந்தையின் உயிர் பிரிந்த சம்பவம் ஒட்டுமொத்தப் பகுதியையும் பெரும் சோகத்தில் ஆழ்த்தியுள்ளது.

பெரியபாடு பகுதியில் வசிக்கும் குடும்பமொன்றில், தந்தை வழமைபோல அன்றைய தினம் வேலைக்குச் சென்றுவிட, வீட்டில் தாயும் அவரது ஒரு வயது நான்கு மாதமேயான கைக்குழந்தையான தினிதி செனாயாவும் மட்டுமே இருந்துள்ளனர்.

வீட்டு வேலைகளில் தாய் மும்முரமாக ஈடுபட்டிருந்த வேளையில், தன் செல்லக் குழந்தை தன்னுடனேயே பாதுகாப்பாக நடமாடிக் கொண்டிருப்பதாக அவர் கருதியுள்ளார்.

சிறுது நேரம் கழித்து குழந்தை தன்னுடல் இல்லை என்பதை உணர்ந்த தாய், வீட்டின் மூலை முடுக்கெல்லாம் பதறியடித்துக் கொண்டு தேடத் தொடங்கியுள்ளார். எங்கு தேடியும் கிடைக்காத நிலையில், வீட்டின் முன்பகுதிக்கு வந்து பார்த்த தாய்க்கு நெஞ்சை உலுக்கும் அதிர்ச்சி காத்திருந்தது.

வீட்டின் முன்னால் வைக்கப்பட்டிருந்த மீன் தொட்டிக்குள் குழந்தை அசைவற்று கிடந்ததைக் கண்டு அலறியடித்தபடி குழந்தையை மீட்டு, உடனடியாக கொத்தந்தீவு பிரதேச வைத்தியசாலைக்கு கொண்டு சென்றார்.

எனினும், வைத்தியசாலைக்கு கொண்டு செல்லும் முன்னரே அந்தப் பிஞ்சு உயிர் பிரிந்துவிட்டதாக மருத்துவர்கள் தெரிவித்துள்ளனர். குழந்தையின் சடலம் உடற்கூற்று பரிசோதனைக்காக புத்தளம் தள வைத்தியசாலைக்கு கொண்டு செல்லப்பட்டுள்ளதுடன், இச்சம்பவம் தொடர்பில் உடப்புவை பொலிஸார் தீவிர விசாரணைகளை முன்னெடுத்து வருகின்றனர்.

• பாராளுமன்றத்தில் வெடித்தது கடும் மோதல்: சபாநாயகருக்கு எதிரான நம்பிக்கையில்லாப் பிரேரணையில் இழுபறி!
• “அரசாங்கம் சொல்வதற்கெல்லாம் நாங்கள் பணிய முடியாது!” – கயந்த கருணாதிலக்க காரசாரம்!
• வெளியேற முயன்ற செயலாளர் நாயகம்? குழு கூட்டத்தில் உச்சக்கட்ட பதற்றம்!

பாராளுமன்ற அரசியல் களம் இன்று திடீரென உச்சக்கட்ட வெப்பநிலையை அடைந்தது. சபாநாயகர் வைத்தியர் ஜகத் விக்கிரமரத்னவுக்கு எதிராக எதிர்க்கட்சிகளால் கொண்டுவரப்பட்டுள்ள நம்பிக்கையில்லாப் பிரேரணை விவகாரம், இன்று (30) காலை கூடிய பாராளுமன்ற விவகாரங்கள் பற்றிய குழுக் கூட்டத்தில் அனல் பறக்கும் கடும் வாக்குவாதமாக உருவெடுத்தது.

பிரேரணையை விவாதத்திற்கு எடுப்பதற்கு ஆளும் தரப்பு திடீரென புதிய நிபந்தனை ஒன்றை விதித்தமையே இந்த மோதலுக்குப் பிரதான புள்ளியாக அமைந்தது. விவாதத்தை முன்னெடுப்பதாயின், எதிர்க்கட்சியினர் தாக்கல் செய்துள்ள பிரேரணையில் திருத்தங்கள் செய்யப்பட்டு மீளச் சமர்ப்பிக்கப்பட வேண்டும் என ஆளும் தரப்பு அழுத்தமாக வலியுறுத்தியது.

ஆளும் தரப்பின் இந்த நிலைப்பாட்டுக்கு எதிர்க்கட்சியின் பிரதம கொரடா பாராளுமன்ற உறுப்பினர் கயந்த கருணாதிலக்கவிடமிருந்து மிகக் கடுமையான பதில் வந்தது. “அரசாங்கத்தின் விருப்பப்படி திருத்தங்களை மேற்கொண்டு எங்களால் சமர்ப்பிக்க முடியாது; அரசாங்கம் விரும்புவது போல் ஆடுவதற்கு எதிர்க்கட்சி ஒருபோதும் தயாரில்லை” என அவர் ஆணித்தரமாகத் தெரிவித்தார். இதன் காரணமாக, எதிர்வரும் 3ஆம் திகதி நடைபெறவிருந்த விவாதம் பிற்போடப்பட்டு, அன்றைய தினம் ஆளும் தரப்பின் சபை ஒத்திவைப்பு வேளை பிரேரணைக்கு நேரம் ஒதுக்கப்பட்டுள்ளது.

இந்த காரசாரமான மோதல் அரசியல்வாதிகளோடு மட்டும் முடிந்துவிடவில்லை; பாராளுமன்ற உயர் அதிகாரிகள் மீதும் அதன் தாக்கம் பாய்ந்தது. நீதிமன்ற விவகாரங்களுக்குத் தாக்கம் செலுத்தும் விடயங்கள் உள்ளடங்கியுள்ளதாகக் கூறி முன்னதாக ஒழுங்குப் புத்தகத்திலிருந்து (Order Paper) நீக்கப்பட்டிருந்த இப்பிரேரணையை, மீண்டும் எவ்வாறு அதில் சேர்த்தீர்கள் எனக் கேட்டு ஆளும் தரப்பினர் பாராளுமன்ற செயலக உத்தியோகத்தர்களை நோக்கி சரமாரியாகக் குற்றச்சாட்டுகளை முன்வைத்தனர். இதனால் நிலைகுலைந்த பாராளுமன்ற செயலாளர் நாயகம் மற்றும் உதவிச் செயலாளர் நாயகம் ஆகியோர் கூட்டத்திலிருந்து உடனடியாக வெளியேற முற்பட்டதால் அங்கு பெரும் குழப்பம் உருவானது. எனினும், அங்கிருந்த சில உறுப்பினர்கள் அவர்களை சமாதானப்படுத்தி வெளியேற விடாமல் தடுத்து நிறுத்தினர்.

இறுதியில், பிரதி சபாநாயகர் வைத்தியர் ரிஸ்வி சாலி தலைமையில் இடம்பெற்ற இக்கூட்டத்தில் எதிர்க்கட்சியினர் மிக வலுவான வரலாற்று முன்னுதாரணத்தை முன்வைத்தனர். “முன்னாள் சபாநாயகர் மஹிந்த யாப்பா அபேவர்தனவுக்கு எதிராக 9 நீதிமன்ற வழக்குகள் நிலுவையில் இருந்தபோதே மூன்று நாட்கள் விவாதம் நடைபெற்றது; அவ்வாறிருக்கையில், நீதிமன்ற நடவடிக்கைகளுக்கு எவ்வித அழுத்தமும் ஏற்படுத்தாத இந்தப் பிரேரணையை விவாதிப்பதில் என்ன தடை இருக்க முடியும்?” என எதிர்க்கட்சி உறுப்பினர்கள் அடுக்கடுக்கான கேள்விகளை எழுப்பி நிலைமையை மேலும் சூடாக்கியுள்ளனர்.

• கிராமத்துப் பிள்ளைகளுக்கும் இனி ஸ்மார்ட் வகுப்பறைகள்: புத்தளத்தில் பிரதமர் ஹரிணி அதிரடி!
• “ஆசிரியரின் ஒரு சொல் போதும்… குழந்தையின் தலைவிதியே மாறும்!” – பிரதமர் நெகிழ்ச்சி
• கொழும்புப் பள்ளிகளுக்கு நிகராக மாறும் கிராமத்துப் பாடசாலைகள்: 309 பள்ளிகளில் புதிய புரட்சி!

வளர்ச்சியடைந்த தேசத்தை நோக்கிய பயணத்தில், ஒரு நாட்டின் உண்மையான அடித்தளம் வகுப்பறைகளிலேயே இடப்படுகின்றது. “ஒரு ஆசிரியரின் ஒற்றை வார்த்தைகூட குழந்தையின் எதிர்காலத்தை முற்றிலுமாக மாற்றி அமைக்கும் வல்லமை கொண்டது” என்ற ஆழமான உண்மையோடு, நாட்டின் ஆரம்பக் கல்வித் துறையில் ஒரு பாரிய நவீனத்துவ அலை ஆரம்பமாகியுள்ளது.

ஒக்டோபர் 29ஆம் திகதி புத்தளத்தில் இடம்பெற்ற வரலாற்று முக்கியத்துவம் வாய்ந்த நிகழ்வொன்றில் கலந்துகொண்டு உரையாற்றிய பிரதமர் கலாநிதி ஹரிணி அமரசூரிய, இலங்கையின் கல்வி மறுமலர்ச்சி குறித்த அரசின் திட்டங்களை வெளிப்படுத்தினார். புத்தளம், இஹல புளியங்குளம் வித்தியா சக்கரவர்த்தி மகா வித்தியாலயத்தில் புதிதாக நிர்மாணிக்கப்பட்ட அதிநவீன கட்டடத்தை மாணவர்களின் பயன்பாட்டிற்கு கையளிக்கும்போதே அவர் இதனைத் தெரிவித்தார்.

இன்றைய நவீன யுகத்திற்கு ஏற்றவாறு மாணவர்களின் கற்கும் ஆர்வத்தைத் தூண்டும் நோக்கில், இந்த புதிய கட்டடத் தொகுதி வடிவமைக்கப்பட்டுள்ளது. ஸ்மார்ட் பலகைகள் (Smart Boards), செயன்முறை வழிக் கற்றலுக்கான செயற்பாட்டு அறைகள் (Activity Rooms), வாசிப்பு அறைகள் மற்றும் நவீன சுகாதார வசதிகள் இதில் முழுமையாக உள்ளடக்கப்பட்டுள்ளன. அத்துடன், எந்தவொரு குழந்தையும் பின்தங்கிவிடக் கூடாது என்பதை உறுதிப்படுத்தும் வகையில், மாற்றுத்திறனாளி மாணவர்கள் சிரமமின்றி வந்து செல்வதற்கான சிறப்பு நுழைவாயில் வசதிகளும் இங்கு ஏற்படுத்தப்பட்டுள்ளன.

இதன் தொடர்ச்சியாக, “வளமான நாடு – அழகான வாழ்க்கை” என்ற அரசாங்கத்தின் தொலைநோக்குப் பார்வையின் கீழ், நகர்ப்புறப் பாடசாலைகளுக்கு இணையாக கிராமப்புறப் பாடசாலைகளையும் தரம் உயர்த்தும் பணிகள் முடுக்கிவிடப்பட்டுள்ளன. கொழும்பு போன்ற பிரதான நகரங்களுக்கு மட்டுப்படுத்தப்பட்டிருந்த டிஜிட்டல் மற்றும் நவீன கல்வி வசதிகள், இனி நாட்டின் மூலை முடுக்கெல்லாம் உள்ள ஆரம்பப் பாடசாலைகளுக்கும் கிடைக்கப்பெறவுள்ளன.

இதன் கீழ், நாடு முழுவதும் 309 ஆரம்பப் பாடசாலைகளை நவீனமயப்படுத்தும் விசேட திட்டத்தின் கீழ் மேம்படுத்தப்பட்ட புத்தளம், மஹகும்புக்கடவல கனிஷ்ட வித்தியாலயத்தின் புதிய கட்டடத்தையும் பிரதமர் அன்றைய தினமே மாணவர்களிடம் உத்தியோகபூர்வமாகக் கையளித்தார். தரமான கல்வியை நாட்டின் அனைத்துக் குழந்தைகளுக்கும் சமமாகப் பகிர்ந்தளிக்கும் இந்த நடவடிக்கை, எதிர்காலத் தலைமுறையினரின் கல்விப் பயணத்தில் ஒரு புதிய மைல்கல்லாகப் பார்க்கப்படுகின்றது.

• காவி உடை சர்ச்சை முதல் பொதுமன்னிப்பு வரை: ஞானசார தேரர் விவகாரத்தால் மீண்டும் சூடுபிடிக்கும் இலங்கை அரசியல்!
• ஜனாதிபதி பொதுமன்னிப்பும் ஜே.வி.பி.யும்: வரலாற்றின் பக்கங்களை உலுக்கும் அதிர்ச்சி உண்மைகள்!
• நீதிமன்ற அவமதிப்பா? அரசியல் சதுரங்கமா? ஞானசார தேரர் விவகாரத்தில் மறைந்திருக்கும் வரலாற்றுப் பின்னணி!

டெயிலி மிரர் ஊடகம் வெளியிட்ட விஷேட கட்டுரை:

இலங்கை அரசியலில் ‘காவி உடை’ விவகாரத்தை மையமாகக் கொண்டு வெடித்துள்ள சர்ச்சை, இப்போது அதிகார மட்டங்களை அதிரவைக்கும் ஒரு பாரிய அரசியல் போராட்டமாகத் தீவிரமடைந்துள்ளது.

ஹோமாகம நீதிவான் நீதிமன்றத்தை அவமதித்த குற்றத்திற்காக வழங்கப்பட்ட 6 வருட சிறைத் தண்டனையிலிருந்து, 2019 இல் மைத்திரிபால சிறிசேனவின் ஜனாதிபதி பொதுமன்னிப்பால் விடுதலையான கலகொட அத்தே ஞானசார தேரர், அந்த மன்னிப்பு சட்டவிரோதமானது என உச்ச நீதிமன்றம் தீர்ப்பளித்ததைத் தொடர்ந்து மீண்டும் சிறையிலடைக்கப்பட்டார். ஆரம்பத்தில் அமைதியாகக் கடந்த இந்த விவகாரம், கடந்த அக்டோபர் 6 ஆம் திகதி கொழும்பு மேல் நீதிமன்றத்திற்கு அவர் சிறைக்கைதி சீருடையில் அழைத்து வரப்பட்ட தருணத்தில் திடீரெனப் பற்றி எரியத் தொடங்கியது.

ஒரு ஆடை விவகாரமாகத் தொடங்கிய இந்த எதிர்ப்பு, குறுகிய காலத்தில் அவரை நிபந்தனையின்றி விடுதலை செய்ய வேண்டும் என்ற தேசிய அளவிலான தீவிரக் கோரிக்கையாக மாறியது. அரசாங்கத்திற்கு எதிரான எதிர்க்கட்சிகள் மட்டுமன்றி, மதத்தையும் அரசியலையும் தனித்தனியே பார்க்க வேண்டும் என்று காலங்காலமாக வாதிட்ட முற்போக்கு சக்திகளும் கூட விகாரமகாதேவி பூங்காவில் நடைபெற்ற சத்தியாக்கிரகத்திற்கு ஆதரவு தெரிவிக்கும் அளவுக்கு அரசியல் சதுரங்கம் தலைகீழாக மாறியுள்ளது.

எனினும், கடந்த காலங்களில் வழங்கப்பட்ட ஜனாதிபதி பொதுமன்னிப்புக்கள் எப்போதுமே மக்கள் மத்தியில் கடுமையான அவநம்பிக்கையையே தோற்றுவித்துள்ளன. 1981 இல் ஜே.ஆர். ஜெயவர்தனவினால் பாலியல் துஷ்பிரயோகக் குற்றவாளி கோணவல சுனிலுக்கு வழங்கப்பட்ட மன்னிப்பு முதல், ரணில் – மஹிந்த ஆட்சிக் காலத்தில் மில்ரோய் பெர்னாண்டோவின் மனைவிக்கு வழங்கப்பட்ட மன்னிப்பு, மைத்திரிபால சிறிசேனவினால் ஜூட் ஷிரமந்தவுக்கு வழங்கப்பட்ட மன்னிப்பு, மற்றும் கோட்டாபய ராஜபக்ஷவினால் மிருசுவில் படுகொலை குற்றவாளி சுனில் ரத்நாயக்கவுக்கு வழங்கப்பட்ட மன்னிப்பு வரை அனைத்துமே சுய அரசியல் நலன்களுக்காக அதிகார துஷ்பிரயோகம் செய்யப்பட்ட வரலாற்றுக் கறைகளாகவே பதிவாகியுள்ளன.

இந்த நிலையில், “ஆயுதம் ஏந்திய ஜே.வி.பி. தலைவர்களே அன்று பொதுமன்னிப்புப் பெற்று ஜனநாயக நீரோட்டத்திற்கு வந்தபோது, ஞானசார தேரருக்கு ஏன் பொதுமன்னிப்பு வழங்க முடியாது?” என்ற வாதத்தை தற்போதைய போராட்டக்காரர்கள் முன்வைத்து வருகின்றனர். ஆனால், வரலாற்றுப் பதிவுகளின்படி, ஜே.வி.பி. தலைவர்கள் ஒருபோதும் நேரடி ஜனாதிபதி பொதுமன்னிப்பின் ஊடாக மட்டும் சலுகை பெற்றுத் தப்பியவர்கள் அல்ல.

1971 கிளர்ச்சியைத் தொடர்ந்து சிறிமாவோ பண்டாரநாயக்கவின் அரசாங்கத்தில் நிலவிய கடுமையான பொருளாதார நெருக்கடி, அரிசி விநியோகத் தடைகள் மற்றும் அரசியல் குழப்பங்கள் காரணமாக நாடாளுமன்றம் ஒத்திவைக்கப்பட்டபோது, மாதாந்தம் புதுப்பிக்கப்பட வேண்டிய அவசரகாலச் சட்டம் தானாகவே காலாவதியானது. அதன் விளைவாகவே பல்லாயிரக்கணக்கான கிளர்ச்சியாளர்கள் பிணையின்றி வெளியே வந்தனர். அதனைத் தொடர்ந்து 1977 இல் ஆட்சிக்கு வந்த ஜே.ஆர். ஜெயவர்தன, தனது கட்சியைச் சேர்ந்த வர்த்தக சகாக்களைக் காப்பாற்றுவதற்காக குற்றவியல் நீதி ஆணைக்குழுக்கள் (CJC) சட்டத்தை இரத்து செய்து அறிவித்த பொதுமன்னிப்பின் கீழேயே தற்செயலாக ரோஹண விஜேவீர உள்ளிட்ட தலைவர்கள் விடுதலையானார்கள்.

1983 கறுப்பு ஜூலை கலவரத்தின் பின்னணியில் ஜே.வி.பி. மீது அநியாயமாகத் திணிக்கப்பட்ட தடையை நீக்குவதிலும் கூட அதிகாரப் பிழைகளும் ஆட்சி மாற்றமுமே வழியமைத்ததே தவிர, அது ஒரு திட்டமிட்ட ஜனாதிபதி கருணை அல்ல. இவ்வாறான வரலாற்றுச் சுழல்களுக்கு மத்தியில், மூன்று பிரதான பௌத்த பிரிவுகளின் மகாநாயக்க தேரர்கள் அரசாங்கத்துடன் பேச்சுவார்த்தை நடத்த முன்வந்துள்ளமையானது, இந்த நெருக்கடியை தற்காலிகமாகத் தணித்துள்ள போதிலும், சட்டத்தின் ஆட்சியும் நிறைவேற்று அதிகார பொதுமன்னிப்பும் மோதும் புள்ளி எங்கு முடியும் என்ற எதிர்பார்ப்பு நாடெங்கிலும் எழுந்துள்ளது.

• லாஃப்ஸ் கேஸ் நிறுவனத்திற்கு நீதிமன்றம் அதிரடி அழைப்பாணை: கொழும்பில் அதிரடி வழக்கு!
• எரிவாயு தட்டுப்பாடு: லாஃப்ஸ் நிறுவனத்திற்கு எதிராக பாய்ந்தது சட்ட நடவடிக்கை!
• நுகர்வோர் அதிகாரசபை அதிரடி: கூண்டில் ஏறும் லாஃப்ஸ் நிறுவனம்!

நாடளாவிய ரீதியில் நுகர்வோருக்குத் தொடர்ச்சியாக எரிவாயுவை விநியோகிக்கத் தவறியமை தொடர்பில் எழுந்த குற்றச்சாட்டுகளை அடுத்தே, கொழும்பு பிரதான நீதவான் நீதிமன்றத்தில் இந்த வழக்குத் தொடரப்பட்டுள்ளது.

நுகர்வோர் விவகார அதிகார சபையினால் ஏற்கனவே வெளியிடப்பட்ட 86 ஆம் இலக்க விசேட கட்டளையை குறித்த நிறுவனம் அப்பட்டமாக மீறியுள்ளதாக அதிகார சபை சுட்டிக்காட்டியுள்ளது. சந்தையில் எரிவாயு தட்டுப்பாட்டை ஏற்படுத்தி மக்களுக்கு அசௌகரியங்களை விளைவித்தமை குறித்து சமர்ப்பிக்கப்பட்ட ஆதாரங்களை அடுத்தே இந்த விவகாரம் நீதிமன்ற படியேறியுள்ளது.

குறித்த வழக்கினை புதுக்கடை இலக்கம் 5 நீதவான் நீதிமன்றத்தில் தாக்கல் செய்த நுகர்வோர் விவகார அதிகார சபை, சட்ட விதிகளுக்கு முரணாக செயற்பட்ட நிறுவனத்தின் பொறுப்பற்ற தன்மையை அங்கு விரிவாகச் சுட்டிக்காட்டியுள்ளது.

விடயங்களை ஆராய்ந்த நீதிமன்றம், இந்த விவகாரம் தொடர்பில் உடனடியாக நேரில் முன்னிலையாகுமாறு லாஃப்ஸ் நிறுவனத்திற்கு உத்தியோகபூர்வ அழைப்பாணை (Summons) பிறப்பித்துள்ளதுடன், வழக்கின் அடுத்தகட்ட விசாரணைகளை எதிர்வரும் நவம்பர் 11 ஆம் திகதிக்கு ஒத்திவைத்து உத்தரவிட்டுள்ளது.