நாகவில்லு YMMA பாலர் பாடசாலையின் வருடாந்த விளையாட்டுப் போட்டி மற்றும் பரிசளிப்பு நிகழ்வு நேற்று 19.06.2021 ஞாயிற்றுக்கிழமை  புத்தளம் எருக்கலம்பிட்டி முஸ்லிம் மகா வித்தியாலய மைதானத்தில் இடம்பெற்றது.

நாகவில்லு YMMA பாலர் பாடசாலையின் தலைவர் ஜனாப் AG நவாஸ்தீன் தலைமையில் இடம்பெற்ற இந்நிகழ்வில் சிரேஷ்ட மற்றும் கனிஷ்ட மாணவர்கள் சுமார் 44 பேர் கலந்துகொண்டனர்.

சிறார்களின் கண்கவர் விளையாட்டு நிகழ்வுகள் மைதானத்தை அலங்கரித்ததுடன் பார்வையாளர்களுக்கும் மிகுந்த சந்தோசத்தை ஏற்படுத்தியது.

2021 ஆம் ஆண்டு குறித்த பாலர் பாடசாலையில் கல்விகற்று வெளியாகிய மாணவர்களின் பிரியாவிடையும் மேடை நிகழ்வுகளும் சிறப்பாக அமைந்திருந்தது.

குறித்த பாலர் பாடசாலையில் கல்விகற்று வெளியாகிய மற்றும் போட்டிகளில் வெற்றிபெற்ற சிறார்களுக்கு நினைவுச் சின்னங்கள் மற்றும் சான்றிதழ்கள் வழங்கி கெளரவிக்கப்பட்டன.

குறித்த நிகழ்வில் பு/எருக்கலம்பிட்டி பள்ளிவாசல் நம்பிக்கையாளர் சபை உறுப்பினர்கள், ஓய்வுபெற்ற ஆசிரியர்கள், பெற்றோர்கள் மற்றும் நலன் விரும்பிகள் கலந்து சிறப்பித்தமை விஷேட அம்சமாகும்.

ஸ்ரீலங்கா முஸ்லீம் காங்கிரசின் விசேட ஒன்றுகூடல் இன்று 05.06.2022 ஞாயிற்றுக்கிழமை புத்தளம் நீச்சல் தடாக வளாகத்தில் இடம்பெற்றது.

ஸ்ரீலங்கா முஸ்லீம் காங்கிரசின் புத்தளம் எருக்கலம்பிட்டி கிளையின் மத்திய குழு மற்றும் இளைஞர் காங்கிரஸ் அமைப்பின் பூரண அனுசரணையில் மேட்படி ஒன்றுகூடல் இடம்பெற்றது.

புத்தளம் எருக்கலம்பிட்டி ஸ்ரீலங்கா முஸ்லீம் காங்கிரசின் விருட்சத்தின் விழுதுகள் எனும் தலைப்பில் ஏட்பாடு செய்யப்பட்ட குறித்த நிகழ்வில் ஸ்ரீலங்கா முஸ்லீம் காங்கிரசின் தேசியத் தலைவர் அல்ஹாஜ் றவூப் ஹக்கீம் பிரதம அதிதியாக கலந்துகொண்டார்.

நாட்டில் ஏட்பட்டுள்ள அரசியல் மற்றும் பொருளாதார நெருக்கடியினை அடிப்படையாகக் கொண்டு அரசியல் ரீதியாக முன்னெடுக்கப்படவேண்டிய முக்கிய நகர்வுகல் குறித்து இதன்போது கவனம் செலுத்தப்பட்டது.

விசேடமாக புத்தளம் எருக்கலம்பிட்டி ஸ்ரீலங்கா முஸ்லீம் காங்கிரசின் போராளிகளுக்காக ஏட்பாடு செய்யப்பட்டிருந்த குறித்த நிகழ்வில் புத்தளம் நகரசபை தலைவர் ஜனாப் S.M ரபீக் அவர்கள் சிறப்பு விருந்தினராக கலந்துகொண்டார்.

நண்பகல் ஆரம்பமான இந்நிகழ்வு பகல் போஷணையை தொடர்ந்து மாலை வரை இடம்பெற்றது.

குறித்த நிகழ்வில்  ஸ்ரீலங்கா முஸ்லீம் காங்கிரசின் புத்தளம் மாவட்ட அமைப்பாளர் ஜவ்பார் மரைக்கார், முன்னாள் மாகாண சபை உறுப்பினர் ஜனாப் நியாஸ், ஜனாப் பைரோஸ், புத்தளம் நகரசபை உறுப்பினர்கள் மற்றும் புத்தளம் எருக்கலம்பிட்டி ஸ்ரீலங்கா முஸ்லீம் காங்கிரசின் போராளிகள் கலந்து சிறப்பித்தமை குறிப்பிடத்தக்கது.

மர்ஹூம் கே.ஏ. பாயிஸ் அவர்களின் ஜாபகார்த்தமாக புத்தளம் நகரசபையினால் நடாத்தப்பட்ட புத்தளம் லீக் உதைபந்தாட்ட சுற்றுப்போட்டியின் இருதிப்போட்டி எருக்கலம்பிட்டி எப்.சி மற்றும் புத்தளம் லிவர்பூல் அணியினருக்கிடையில் நேற்று புத்தளம் மாவட்ட மைதானத்தில் இடம்பெற்றது.

போட்டியின் முதல் பாதிவரை இரு அணிகளும் மிகச்சிறப்பாக விளையாடியதன் மூலம் எதுவித கோல்களும் இன்றி முதல் பாதி முடிவுற்றது. இரண்டாவது பாதியில் மிகவும் அபாரமாக விளையாடிய புத்தளம் லிவர்பூல் அணி 3 கோல்கள் அடித்து வெற்றிக்கிண்ணத்தை சுவீகரித்தது.

புத்தளம் லிவர்பூல் அணி வீரர் நஸ்ரின் ஹெட்ரிக் கோல் அடித்து அணியின் வெற்றியை உறுதிசெய்தார்.

போட்டியின் இறுதிவரை போராடிய எருக்கலம்பிட்டி எப்.சி அணி போட்டியின் இறுதி நேரத்தில் கோல் ஒன்று அடித்து எருக்கலம்பிட்டி ஆதரவாளர்களுக்கு மகிழ்ச்சி அழித்தனர்.

எருக்கலம்பிட்டி எப்.சி அணி சார்பாக அஸ்கான் ஒரு கோலினை அடித்து அணிக்கு ஆறுதல் அளித்தார்.

இப்போட்டியின் சிறப்பு அதிதியாக கலந்துகொண்ட இராஜாங்க அமைச்சர் சனத் நிஷாந்த வெற்றிபெற்ற புத்தளம் லிவர்பூல் அணிக்கு 30ஆயிரம் ரூபா பணப்பரிசு மற்றும் வெற்றிக்கிண்ணம் வழங்கிவைத்தார்.

இப்போட்டியின் கௌரவ அதிதியாக கலந்துகொண்ட இலங்கை உதைப்பந்தாட்ட சம்மேளனத்தின் தலைவர் ஜஸ்வர் உமர் அவர்களினால் தொடர் சுற்றின் இரண்டாம் இடத்தைப் பெற்ற எருக்கலம்பிட்டி எப்.சி அணியினருக்கு 20ஆயிரம் ரூபா பணப்பரிசு மற்றும் கிண்ணம் வழங்கி கௌரவிக்கப்பட்டது.

நேற்றைய நிகழ்வில் புத்தளம் நகரசபை தலைவர் ஜனாப் எம்.எஸ்.எம். ரபீக், இராஜாங்க அமைச்சர் சனத் நிஷாந்த, இலங்கை உதைப்பந்தாட்ட சம்மேளனத்தின் தலைவர் ஜஸ்வர் உமர், இலங்கை சுங்கத்திணைக்கள அதிகாரி லுக்மான் சஹாப்தீன், மன்னார் பிரதேச சபை தலைவர் இஸ்மாயீல் இஸ்ஸதீன் மற்றும் ஏனைய பிரமுகர்கள் கலந்து சிறப்பித்தமை குறிப்பிடத்தக்கது.

மர்ஹூம் கே.ஏ. பாயிஸ் அவர்களின் ஜாபகார்த்தமாக நடாத்தப்பட்டுவரும் புத்தளம் லீக் உதைபந்தாட்ட சுற்றுப்போட்டியின் இருதிப்போட்டிக்கு எருக்கலம்பிட்டி எப்.சி மற்றும் புத்தளம் லிவர்பூல் அணியினர் தகுதிபெற்றுள்ளனர்.

குறித்த சுற்றுப்போட்டியின் முதலாவது அரையிறுதிப் போட்டியி புத்தளம் அல் அஷ்ரா மற்றும் புத்தளம் லிவர்பூல் அணிகளுக்கிடையில் இடம்பெற்றது. இப்போட்டியில் புத்தளம் லிவர்பூல் அணி வெற்றிபெற்று இறுதிப்போட்டிக்கு தெரிவாகியுள்ளது.

இன்றைய தினம் எருக்கலம்பிட்டி எப்.சி மற்றும் நியூ ப்ரணட்ஸ் அணிகளுக்கிடையான இரண்டாவது அரையிறுதிப் போட்டியில் எருக்கலம்பிட்டி எப்.சி அணியினர் வெற்றிபெற்று இறுதிப்போட்டிக்கு தெரிவாகியுள்ளது.

இன்றைய தினம் இடம்பெற்ற போட்டியின் முதல் பாதியில் நியூ ப்ரணட்ஸ் அணியினர் சிறப்பான ஆட்டத்தை வெளிப்படுத்தி ஒரு கோலினை அடித்து வலுவான நிலையில் இருந்தனர். இரண்டாவது பாதியில் மிகவும் சிறப்பாக விளையாடிய எருக்கலம்பிட்டி எப்.சி அணியினர் இரண்டு கோல்கள் அடித்து வெற்றிபெற்றனர்.

எருக்கலம்பிட்டி எப்.சி அணி சார்பாக ரக்‌ஷான் மற்றும் பாஸில் ஆகியோர் தலா ஒரு கோல் அடித்து அணியின் வெற்றியை உறுதிசெய்தனர்.

எருக்கலம்பிட்டி எப்.சி மற்றும் புத்தளம் லிவர்பூல் அணிகள் எதிர்வரும் 25ஆம் திகதி புத்தளம் மாவட்ட விளையாட்டு மைதானத்தில் இறுதிப்போட்டியில் மோதவுள்ளனர்.

இன்றைய தினத் இடம்பெற்ற இரண்டாவது அரையிறுதிப் போட்டியில் பாராளுமன்ற உறுப்பினர் ஹெக்டர் அப்புஹாமி, புத்தளம் நகரபிதா எஸ்.எம்.ரபீக் மற்றும் புத்தளம் நகரசபை உறுப்பினர்கள் கலந்து சிறப்பித்தமை குறிப்பிடத்தக்கது.

புத்தளம் பிரதேச சபை உறுப்பினர் ஜனாப் எஸ்.எம்.ரிஜாஜ் அவர்களினால் பொத்துவில்லு பிரதான வீதியின் ஒரு பகுதி புனரமைக்கப்பட்டு மீண்டும் மக்கள் பாவனைக்கு விடப்பட்டுள்ளது.

கடந்த சில மாதங்களுக்கு முன்பு நாட்டில் பெய்த தொடர் மழை காரணமாக நாட்டின் பல பாகங்களும் வெகுவாக பாதிக்கப்பட்டிருந்தன. அந்த வகையில் புத்தளம் நாகவில்லு பகுதி அதிகமான பாதிப்புக்கு உள்ளாகியிருந்தது.

அதிலும் நாகவில்லு, பொத்துவில்லு பிரதான வீதியின் ஒரு பகுதி முற்றாக சேதமடைந்து மக்கள் பயணங்கள் மேற்கொள்ள முடியாமல் மிகவும் சிறமப்பட்டனர்.

இவ்வாரு பாதிக்கப்பட்ட வீதியினை மிக அவசரமாக திருத்தம் செய்ய பிரதேச சபை உறுப்பினர் ஜனாப் எஸ்.எம்.ரிஜாஜ் அவர்களினால் பல முன்னெடுப்புகள் மேற்கொள்ளப்பட்டிருந்தன. அந்த வகையில் மாகாண வீதி அபிவிருத்தி அதிகார சபைக்கு வீதி திருத்தும் பணிக்கான வேண்டுகோள் விடுக்கப்பட்டிருந்தன.

பிரதேச சபை உறுப்பினரின் குறித்த வேண்டுகோளுக்கினங்க மாகாண வீதி அபிவிருத்தி அதிகார சபையினால் நாகவில்லு, பொத்துவில்லு பிரதான வீதியின் பாதிக்கப்பட்ட வீதி சுமார் 107 மீட்டர் நீளமும் 12 அடி அகலமும் கொங்கிரீட் இடப்பட்டு செப்பனிடப்பட்டு வீதி புனரமைக்கப்பட்டு  நிறைவுசெய்யப்பட்டுள்ளது.

குறித்த வீதியின் ஊடாகவே பொத்துவில்லு மற்றும் அட்டவில்லு பிரதேச மக்கள் பயணங்கள் மேற்கொள்கின்றமை குறிப்பிடத்தக்கது.

முற்றாக சேதமடைந்திருந்த பொத்துவில்லு பிரதான வீதியின் குறித்த பகுதியை முழுமையாக திருத்தி தந்தமைக்காக பொத்துவில்லு மற்றும் அட்டவில்லு பிரதேச மக்கள் பிரதேச சபை உறுப்பினர் ஜனாப் எஸ்.எம்.ரிஜாஜ் அவர்களுக்கு நன்றி தெரிவித்துள்ளதுடன், புத்தளம் எருக்கலம்பிட்டி (நாகவில்லு) மக்கள் தமது பாராட்டுக்களை தெரிவித்துள்ளமை விஷேட அம்சமாகும்.

புத்தளம் எருக்கலம்பிட்டி முஸ்லிம் மகா வித்தியாலயத்திற்கு இன்றை தினம் 07.03.2022 திங்கள் பாடசாலை பழைய மாணவர் சங்கத்தினால் குழாய் கிணறு மற்றும் நீர் தாங்கி நிர்மானிக்கப்பட்டு பாவனைக்கு கையளிக்கப்பட்டது.

புத்தளம் எருக்கலம்பிட்டி மு.ம.வி. பழையமாணவர் சங்கத்தின் வேண்டுகோளுக்கினங்க புத்தளம் சமூக ஆர்வளர் திரு சஜாப் அவர்களின் முயற்சியால் இன்றைய தினம் பாடசாலை மாணவர்கள் மற்றும் ஆசிரியர்களின் பாவனைக்கு குழாய் கிணறு மற்றும் நீர் தாங்கி நிர்மானிக்கப்பட்டு பாவனைக்கு கையளிக்கப்பட்டது.

பழையமாணவர் சங்கத்தினால் முன்வைக்கப்பட்ட கோரிக்கையை ஏற்று மிக குறிய காலத்தில் நிர்மானித்து தந்த புத்தளம் சமூக ஆர்வளர் திரு சஜாப் அவர்களுக்கு பாடசாலை பழைய மாணவர் சங்கம் மற்றும் பாடசாலைச் சமூகத்தினால் நன்றி தெரிவிக்கப்பட்டது.

சுமார் மூன்று லட்சம் செலவில் பாடசாலை பள்ளிவாசலுக்கு அருகில் நிர்மானிக்கப்பட்ட இக்குழாய் கிணற்றின் மூலம் பாடசாலை மாணவர்கள் அனைவரும் பயன்பெறுவார்கள் என பாடசாலை அதிபர் திரு எஸ்.எம். ஹுசைமத் தெரவித்தார்.

குறித்த நிகழ்வில் பள்ளிவாசல் இமாம், பாடசாலை அதிபர், ஆசிரியர்கள், பழைய மாணவர் சங்க உறுப்பினர்கள் மற்றும் பாடசாலை அபிவிருத்திச் சங்க உறுப்பினர்கள் கலந்து சிறப்பித்ததுடன், சிற்றுண்டி நிகழ்வுடன் இவ் வைபவம் நிறைவுபெற்றமை குறிப்பிடத்தக்கது.