புத்தளம் எருக்கலம்பிட்டி பாடசாலையில் கல்வி கற்று கடந்த வருடம் இடம்பெற்ற தரம் 5 புலமைப்பரிசில் பரீட்சைக்கு தோற்றி சிறந்த பெறுபேற்றை பெற்று சித்தியடைந்த மாணவர்களுக்கு முன்னாள் புத்தளம் பிரதேச சபை உறுப்பினர் SM ரிஜாஜ் வாழ்த்துக்களை தெரிவித்துள்ளார்.
கடந்த வருடம் இடம்பெற்ற தரம் 5 புலமைப்பரிசில் பரீட்சைக்கு தோற்றி 9 மாணவர்கள் சித்திபெற்று பாடசாலைக்கும், ஊருக்கும் கெளரவத்தை பெற்றுக்கொடுத்துள்ளனர்.
தமது மாணவர்களை மிகவும் சிரமத்துக்கு மத்தியில் தயார்படுத்தி சித்திபெறவைத்த ஆசிரிய பெருந்தகைகளுக்கும், அதிபருக்கும் தனது வாழ்த்துக்களை தெரிவித்துள்ளார்.
வறுமைக்கோட்டுக்கு கீழ் வாழும் பல வரிய மாணவர்களும் திறமை சித்தி பெற்றுள்ளதுடன், இதற்காக அயராது பாடுபட்ட பெற்றோர்களின் அற்பணிப்பையும் முன்னாள் புத்தளம் பிரதேச சபை உறுப்பினர் SM ரிஜாஜ் வியந்து பாராட்டியுள்ளார்.
மேலும் குறித்த பாடசாலையில் பல போராட்டங்களுக்கு மத்தியில் விஞ்ஞான பிரிவும் ஆரம்பிக்கப்பட்டு தற்போது பல மாணவர்கள் குறித்த பிரிவில் கல்வி கற்று வரும் நிலையில், ஊரின் தனவந்தர்கள் சிலரின் அனுசரணையில் விஞ்ஞான பிரிவு மிகவும் சிறப்பாக இயங்கி வருகின்றமை குறிப்பிடத்தக்கது.
