எருக்கலாம்பிட்டியின் முதலாவது தவிசாளருக்கு வாழ்த்துக்கள்

எருக்கலம்பிடி வரலாற்றின் முதலாவது தவிசாளராக மன்னார் பிரதேச சபையில் இன்று மகுடம் சூடுகின்றார் இஸ்மாயில் இஸ்ஸதீன்

மன்னார் பிரதேச சபை முன்னாள் தலைவர் முஜாஹிர் அவர்களின் பதவி நீக்கத்தை தொடர்ந்து இன்றைய தினம் 29.09.2021 வாக்கெடுப்பின் மூலம் இஸ்மாயில் இஸ்ஸதீன் மன்னார் பிரதேச சபையின் புதிய தவிசாளராக தெரிவுசெய்யப்பட்டுள்ளார்.

தமிழ் கூட்டமைப்பின் சார்பில் ஒருவரும் இவருடன் தவிசாளர் பதவிக்கு போட்டியிட்டுள்ளமை விசேட அம்சமாகும்.

ஸ்ரீலங்கா முஸ்லிம் காங்கிரஸ் சார்பாக கடந்த 2018 ஆம் ஆண்டு மன்னார் பிரதேச சபை தேர்தலில் போட்டியிட்டு அமோக வெற்றி பெற்ற இஸ்ஸதீன் பிரதேச சபை உப தலைவராக தெரிவு செய்யப்பட்டார்.

அதனை தொடர்ந்து மன்னார் பிரதேச சபை தவிசாளர் பதவியில் ஏற்பட்ட வெற்றிடத்திற்காக இன்றைய தினம் வாக்கெடுப்பு இடம்பெற்றது.

இதில் இஸ்மாயில் இஸ்ஸதீனுக்கு சார்பாக 9 வாக்குகளும், எதிராக 8 வாக்குகளும், நடுநிலையாக 3 வாக்குகளும் அளிக்கக்கப்பட்டமை குறிப்பிடத்தக்கது.

இதேவேளை முன்னாள் மன்னார் பிரதேச சபை தலைவர் முஜாஹிர் அவர்களினால் தவிசாலர் இடை நிறுத்தம் மற்றும் உறுப்புரிமை நீக்கத்திற்கு எதிராக கொழும்பு மேல் முறையீட்டு நீதிமன்றத்தில் தாக்கல் செய்யப்பட்ட (writ) மனுவை விசாரித்த நீதிமன்றம் புதிய தவிசாளரை வர்த்தமானிப்படுத்த தடை உத்தரவு பிறப்பித்துள்ளது.

மன்னார் பிரதேச சபைக்கான புதிய தலைவர் நியமனத்தை தடுத்து, மேன்முறையீட்டு நீதிமன்றத்தினால் வட மாகாண உள்ளூராட்சிமன்ற ஆணையாளருக்கு குறித்த உத்தரவு பிறப்பிக்கப்பட்டுள்ளது.

மன்னார் பிரதேச சபையின் புதிய தவிசாலளர் இஸ்மாயில் இஸ்ஸதீனுக்கு eNews1st யின் வாழ்த்துக்கள்.

பு/எருக்கலம்பிட்டி கிராமத்தில் இன்று, ஞாயிற்றுக்கிழமை, 19.09.2021, பு/எருக்கலம்பிட்டியில் வசிக்கும் சுமார் 700 குடும்பங்களுக்கு உலர் உணவு விநியோகம் செய்யப்பட்டது.

எருக்கலம்பிட்டியைச் சேர்ந்த, வவுனியா ‘நியூ லக்கி டெக்ஸ்’ வர்த்தக நிறுவனத்தின் உரிமையாளலர் அல்ஹாஜ் ஜுனைத் பாஹிம் ( பபா ஹாஜியார்) அவர்களினால் புஎருக்கலம்பிட்டியில் வசிக்கும் எமது மக்களுக்காக குறித்த உலர் உணவுப்பொருட்கள் வழங்கப்பட்டது.

ஒவ்வொரு குடும்பத்திற்கும் தலா 5 கிலோ அரிசியும், 5 கிலோ கோதுமை மாவும் பு/எருக்கலம்பிட்டி ஜும்மா பள்ளிவாசல் நிர்வாக சபை ஊடாக இன்றைய தினம் பகிர்ந்தளிக்கப்பட்டது.

இந்த உணவுப் பொருட்களைப் பெறத் தகுதியானவர்களை அடையாளம் கண்டு, அவர்களது வீடுகளுக்குச் சென்று அடையாள இலக்கங்களை ( Token Number) விநியோகித்து, ஜும்மா பள்ளிவாசல் வளாகத்தில் சுகாதார வழிமுறைகளைப் பேணி மேற்படி உலர் உணவுப்பொருட்கள் விநியோகம் செய்யப்பட்டது.

பொருட்களின் விநியோகத்தை சீராகவும், ஒழுங்கு முறையிலும் பகிர்ந்தளிக்க உள்ளூர் நம்பிக்கையாளர்கள் அனைவரும் ஒன்று சேர்ந்து, கடந்த சில தினங்களாக, இராப்பகலாக பாடுபட்டு அர்ப்பனிப்புடன் செயற்பட்டமை மிகவும் பாராட்டத்தக்க விடயமாகும்.

இப் பாரிய அன்பளிப்பை வழங்கிய, அன்புக்குரிய ஜனாப். ஜுனைத் பாஹிம் ஹாஜியார் அவர்களுக்கும், அவர்களது குடும்பத்தினருக்கும், இதனை ஏற்பாடு செய்த நம்பிக்கையாளர் சபைக்கும், நமது ஊர் மக்கள் சார்பாக நன்றிகளையும் பாராட்டுக்களையும் தெரிவிக்கும் அதேவேளை, அந்த பெருந்தகைக்கும் அவர்களது குடும்பத்தினருக்கும் எல்லாம் வல்ல அல்லாஹ் சந்தோஷத்தையும், சௌபாக்கியத்தையும், சுபீட்சத்தையும் வழங்க வேண்டுமென இருகரமேந்திப் பிரார்த்திக்கிறோம்.

கடந்த ஜூலை மாத முதல் வாரத்தில், பு/எருக்கலம்பிட்டி பள்ளிவாசல் நம்பிக்கையாளர் சபை, நமது ஊர் வர்த்தகப் பிரமுகர்களும், தொழில்சார் நிபுணர்களும் மனமுவந்து வழங்கிய நன்கொடைப் பணமான, ஏறத்தாழ, 49 லட்சம் ரூபா பணத்தை, தலா 21 கிலோ எடையுள்ள, உலர் உணவுப் பொருட்களை பு/எருக்கலம்பிட்டியிலும், கரம்பையிலும் வாழும் 1350 எருக்கலம்பிட்டி குடும்பங்களுக்கு முன்னெப்போதும் இல்லாத முறையில் முன்மாதிரியாகவும், வெளிப்படைத்தன்மையுடனும் வழங்கி வைத்தமை அனைவராலும் பாராட்டப்பட்ட விடயமாகும்.

அவர்களது இத்தகைய நற்பணி, சிறப்புடனும் நேர்த்தியுடனும், நமது் ஊர் மக்களின் நல்லாதரவுடனும் தொடர, நாம் அவர்களை வாழ்த்துகிறோம். எல்லாம் வல்ல அல்லாஹ், இவர்களது இத்தகைய சேவைகளப் பொருந்திக் கொள்வானாக! ஆமீன்.

மேலும் இன்றை இந்த விநியோக நிகழ்வில், நிர்வாக சபையின் தலைவர், செயலாளர், பொருளாளர் உட்பட உள்ளூர் மற்றும் வெளியூர் நம்பிக்கையாளர்கள் கலந்து சிறப்பித்தமை விஷேட அம்சமாகும்.

புத்தளம் எருக்கலம்பிட்டி கிராமத்தில் அமைந்துள்ள வைத்தியசாலைக்கு இலவச பிராணவாயு மற்றும் உபகரணங்கள் வழங்கும் நிகழ்வு இன்று இடம்பெற்றது.

சில பரோபகாரிகளின் உதவியுடன், முன்னாள் பு/எருக்கலம்பிட்டி பள்ளிவாசல் நிர்வாக உறுப்பினரும், கம்பகா மாவட்ட மனித உரிமை சமாதான தூதுவரும், அகில இலங்கை சமாதான நீதவானுமாகிய ஜனாப் MAC கமால்தீன் அவர்களினால் இன்று (02.08.2021) புத்தளம் எருக்கலம்பிட்டி கிராமிய வைத்தியசாலையின் வைத்தியர் Dr. தஸ்லீம் அவர்களிடம் இவ் மருத்துவ உபகரணம் கையளிக்கப்பட்டது.

நாட்டில் ஏற்பட்டுள்ள கொவிட் அசாதாரண சூழ்நிலை காரணமாக வைத்தியசாலைகள் அனைத்தும் நிரம்பி வழிகின்ற நிலை உருவாகி பிராணவாயு விற்கும் தட்டுப்பாடு ஏற்பட்டுள்ளது.

கொவிட் தொற்று ஏற்பட்டு அவசர சிகிச்சை பிரிவுகளில் செயற்கை சுவாசத்துடன் உயிருக்கு போராடிக் கொண்டிருக்கும் இந்நேரத்தில் புத்தளம் எருக்கலம்பிட்டி வைத்தியசாலைக்கு இவ் பிராணவாயு உபகரணம் வழங்கி வைக்கப்பட்டுள்ளதானது மிகவும் வரவேற்கத்தக்க விடயமாகும்.

மேலும் சில மருத்துவ உபகரணங்களுக்கு இவ் வைத்தியசாலையில் தட்டுப்பாடு ஏற்படுவதாகவும், முடியுமானவரை அவைகளை பெற்றுத்தருமாறும் இதன்போது ஜனாப் MAC கமால்தீன் அவர்களிடம் கோரிக்கை முன்வைக்கப்பட்டதுடன், அவற்றுக்கான தீர்வினை முடிந்த வரை செய்து தருவதாகவும் உறுதியளித்தார்.

இந்நிகழ்வில் புத்தளம் தள வைத்தியசாலையின் சிரேஸ்ட வைத்தியர் Dr.K அஸ்பர், பள்ளிவாசல் நிர்வாகசபை உறுப்பினர்கள் மற்றும் ஊர் ஜமாத்தார்கள் கலந்து சிறப்பித்தமை சிறப்பம்சமாகும்.

நேற்று புதன்கிழமை 28.07.2021 புத்தளம் MOH பிரிவுக்குட்பட்ட 607/D கிராம சேவகர் பிரிவில் உள்ள புத்தளம் எருக்கலம்பிட்டி (நாகவில்லு), றஸூல்நகர், பொத்துவில், அக்கர காள ஆகிய கிராம மக்களுக்கு கொரோனா தடுப்பூசி காலை 08:00 மணிதொடக்கம் இரவு11:00 வரை செலுத்தப்பட்டது.

சுமார் இரண்டாயிரம் பேருக்கு நேற்றைய தினம் கொரோனா தடுப்பூசி செலுத்தப்பட்டதாக புத்தளம் பொது சுகாதார பரிசோதகர் திரு. சேனநாயக்க தெரிவித்தார்.

அமெரிக்காவில் இருந்து தறுவிக்கப்பட்ட பைசர் தடுப்பூசிகளே முதல் கட்டமாக புத்தளம் எருக்கலம்பிட்டி முஸ்லிம் மகா வித்தியாலயத்தில் வைத்து நேற்றைய தினம் செலுத்தப்பட்டது.

தடுப்பூசி செலுத்திக்கொள்வதற்காக மக்கள் மிகுந்த ஆர்வம் காட்டியதுடன், நீண்ட வரிசையில் நிதானமாக நின்று இரவு 11.00 மணி வரை தங்களுக்கான தடுப்பூசிகளை பெற்றுக்கொண்டதற்காக eNews1st குழுமம் எமது மக்களுக்கு நன்றிகளை தெரிவித்துக்கொள்கிறது.

இதேவேளை நேற்றைய தடுப்பூசி செலுத்தும் நிகழ்வுகளை முகப்புத்தகம் வாயிலாக மக்களுக்கு நேரடியாக ஒளிபரப்பு செய்ததன் ஊடாக, தடுப்பூசி செலுத்துவதற்கு தயங்கிய மக்களும் தாமாக முன் வந்து தடுப்பூசிகளை பெற்றுக்கொண்டதாக சமூக ஆர்வளர்கள் eNews1st குழுமத்திற்கு நன்றியை தெரிவித்துக்கொண்டனர்.

மேலும் இந்நிகழ்வுக்கு பாரிய ஒத்துழைப்பு வழங்கிய சமூக ஆர்வலர் அல் ஹாஜ் C.M.அஸீஸ் அவர்களுக்கு நன்றியைத் தெரிவித்துக்கொள்வதாகவும், பாடசாலைஅதிபர், ஆசியர்கள், eNews1st குழுமத்தினர், EPD குழுவினர், மற்றும் பெயர் குறிப்பிடப்படாத Volantier சேவையில் ஈடுபட்ட முதியவர்கள் இளைஞர்கள் என அணைவருக்கும் தனது மனமார்ந்த நன்றிகளைத் தெரிவித்துக்கொள்வதாக புத்தளம் தள வைத்தியசாலையின் சிரேஷ்ட வைத்தியரும், பு/எருக்கலம்பிட்டி நம்பிக்கையாளர் சபை உப தலைவருமான அல்ஹாஜ் Dr. K.Asfar (MBBS) எமது இயைத்திற்கு தெரிவித்தார்.

அத்தோடு எமது பிரதேசத்துக்குப் பொறுப்பான கிராம உத்தியோகத்தர், சமுர்த்தி அதிகாரி, புத்தளம் பிரதேச செயலக அதிகாரிகள், இராணுவத்தினர், பொலிஸ் அதிகாரிகள் என அனைவரும் தனது விசேடமான நன்றிகளைத் தெறிவித்துக்கொள்வதாகவும் அவர் மேலும் தெரிவித்தார்.

நேற்றைய தினம் முதல் கட்டமாக தடுப்பூசிகள் பெற்றுக்கொண்டவர்களுக்கு இரண்டாம் கட்டமாக எதிர்வரும் மாதம் தடுப்பூசிகள் செலுத்தப்பட உள்ளமை குறிப்பிடத்தக்கது.

அதிமேதகு ஜனாதிபதி கோட்டாபாய ராஜபக்க்ஷ அவர்களின் தலைமையில் கௌரவ பிரதமர் மகிந்த ராஜபக்‌ஷ அவர்களின் வழிகாட்டலில் விஷேட வீதி அபிவிருத்தி திட்டத்தின் கீழ் நாடு தழுவிய ரீதியில் மேற்கொள்ளப்படுகின்றன 1 லட்சம் வீதி அபிவிருத்தி வேலைத்திட்டத்தின் மற்றுமொரு வேளைத்திட்டம் புத்தளம் எருக்கலம்பிட்டியில் இடம்பெற்றது.

வன்னி மாவட்ட நாடாளுமன்ற உறுப்பினரும் மன்னார் மற்றும் முல்லைத்தீவு மாவட்ட அபிவிருத்தி குழுத் தலைவருமான கௌரவ காதர் மஸ்தான் அவர்களின் வேண்டுகோளின் பேரில், மன்னார் மாவட்டத்தில் இருந்து யுத்தம் காரணமாக புத்தளத்தில் இடம்பெயர்ந்து புத்தளம் எருக்கலம்பிட்டியில் வாழும் மக்களின் நன்மை கருதி சீரற்ற போக்குவரத்து பாதையை புனரமைக்கும் பணி கடந்த ஞாயிற்றுக்கிழமை இடம்பெற்றது.

புத்தளம் எருக்கலம்பிட்டியின் A,B,C பகுதியில் உள்ள சீரற்ற சில போக்குவரத்து பாதையை புனரமைக்கும் திட்டத்தில், C பகுதியில் அமைந்துள்ள மையவாடி வீதி 650 மீற்றர் வரையிலும், B பகுதியில் அமைந்துள்ள வைத்தியசாலை வீதி 650 மீற்றர் வரையிலும், மற்றும் A பகுதியில் ஐந்து உள்ளக வீதிக்கான 1250 மீற்றர் பாதையும் உள்ளடங்களாக சுமார் 55.6 மில்லியன் ரூபாய் செலவில் குறித்த பாதை அமைப்பதற்கான ஆரம்ப நிகழ்வு கௌரவ பாராளுமன்ற உறுப்பினர் காதர் மஸ்தான் அவர்களினால் கடந்த ஞாயிறு (24) அங்குரார்ப்பணம் செய்து வைக்கப்பட்டது.

குறித்த நிகழ்வில் புத்தளம் மாவட்ட நாடாளுமன்ற உறுப்பினர் கௌரவ அலி சப்ரிரஹீம், முன்னாள் வடமேல் மாகாண சபை உறுப்பினரும், ஸ்ரீலங்கா பொதுஜன பெரமுன கட்சியினுடைய முஸ்லீம் பிரிவிற்கான அமைப்பாளருமான ஜனாப் ரியாஸ் அவர்களும், புத்தளம் பிரதேச சபை உறுப்பினர் ஜனாப் எஸ்.எம். ரிஜாஜ் அவர்களும், பள்ளிவாசல் நிர்வாக சபை உறுப்பினர்கள் மற்றும் உள்ளூர் அரசியல் பிரமுகர்களும் கலந்துகொண்டனர்.

புத்தளம் எருக்கலம்பிட்டியின் ஏனைய குறுக்கு வீதிகள் காபட் வீதிகளாக மாற்றப்படும் என புத்தளம் மாவட்ட நாடாளுமன்ற உறுப்பினர் கௌரவ அலி சப்ரிரஹீம் தெரிவித்ததுடன், இடம்பெயர்ந்த மக்களின் வாக்குகளே தனத வெற்றிக்கு காரணம் எனவும் தெரித்தமை குறிப்பிடத்தக்கது.

புத்தளம் எருக்கலம்பிட்டி (நாகவில்லு) பகுதியில் சுமார் 60 குடும்பங்களுக்கான உலர் உணவு பொதிகள் பகிர்ந்தளிக்கப்பட்டன.

அகில இலங்கை YMMA பேரவையின் அனுசரணையில் புத்தளம் நாகவில்லு YMMA பேரவை கிளை ஊடாக மேற்படி உலர் உணவுப் பொதிகள் பகிரப்பட்டதாக நாகவில்லு YMMA கிளை தலைவர் AG.நவாஸ்தீன் தெரிவித்தார்.

புனித ஈத் பெருநாளை முன்னிட்டு, வறுமை கோட்டின் கீழ் வாழும் குடும்பங்களுக்கான உலர் உணவுப் பொதிகள் தமது கிளை ஊடாக விநியோகம் செய்யப்பட்டதாக எமது இணையத்திற்கு தெரிவித்தார்.

குறித்த நிகழ்வில் YMMA நாகவில்லு கிளை உறுப்பினர்கள் மற்றும் ஊர் ஜமாஅத்தார்கள் கலந்து சிறப்பித்தமை குறிப்பிடத்தக்கது.