“அவிங்களாம் பொறாமைக்காரங்க, இல்லாட்டி முட்டாள்கள்!” – ஈரான் டீலை விமர்சித்தவர்களை ‘ட்ரூத் சோஷியலில்’ வச்சுச் செய்த டொனால்ட் ட்ரம்ப்!
ஈரானுடன் போடப்பட்ட வரலாற்று முக்கியத்துவம் வாய்ந்த அமைதி ஒப்பந்தத்தின் பின்னர், அமெரிக்காவிற்குள் ட்ரம்புக்கு எதிராக உள்நாட்டு அரசியல்வாதிகள் சிலர் போர்க்கொடி தூக்கத் தொடங்கியுள்ளனர். “ஈரான் விஷயத்தில ட்ரம்ப் ரொம்ப சாஃப்ட்டா போயிட்டார், அமெரிக்காவுக்கு இதனால என்ன லாபம்?” என்று வாஷிங்டன் அரசியல் வட்டாரத்தில் சலசலப்புகள் எழத் தொடங்கின. இந்த விமர்சனங்களால் கடுப்பான அமெரிக்க அதிபர் டொனால்ட் ட்ரம்ப், வழக்கம் போல தனது பாணியில் சவுக்கடிப் பதிலடியை ஒற்றைப் பதிவில் கொடுத்து உலகையே அதிர வைத்துள்ளார்!
விமர்சகர்களின் வாயை அடைக்க ட்ரம்ப் கையில் எடுத்த ஆயுதம் தான், தற்போதைய அமெரிக்காவின் பொருளாதாரப் புள்ளிவிவரங்கள்!
“நான் ஈரான் விஷயத்தில் இன்னும் கடுமையாக நடந்திருக்க வேண்டும் என்று நினைக்கும் இந்த முட்டாள்கள், தற்போதைய நிலவரத்தைத் திரும்பிப் பார்க்க வேண்டும்” என்று ட்ரம்ப் தனது ‘ட்ரூத் சோஷியல்’ (Truth Social) தளத்தில் பதிவிட்டுள்ளார். தான் கொண்டு வந்த இந்த இராஜதந்திர நகர்வால் தான் அமெரிக்கப் பங்குச்சந்தை இதுவரை இல்லாத அளவுக்கு வரலாற்றுச் சாதனை உச்சத்தைத் தொட்டுள்ளது என்றும், உலக சந்தையில் கச்சா எண்ணெய் விலை ‘மளமளவென’ சரிந்து வீழ்ந்து கொண்டிருக்கிறது என்றும் அவர் அடுக்கடுக்கான ஆதாரங்களை முன்வைத்துள்ளார்.
பொருளாதாரத்தின் இந்த அதிரடி முன்னேற்றங்களை கண்முன்னே வைத்தும், தன் மீது பழி போடுபவர்களை ட்ரம்ப் வார்த்தைகளால் வெளுத்து வாங்கியுள்ளார்!
“அமெரிக்கப் பங்குச்சந்தை உச்சத்தில் இருக்கும்போதும், எண்ணெய் விலை தலைகீழாகச் சரியும்போதும், நான் ஈரான் மீது கடுமையான நடவடிக்கை எடுக்கவில்லை என்று கூச்சல் போடும் இந்த முட்டாள்கள்… ஒன்று என் மீது பொறாமை கொண்டவர்களாக இருக்க வேண்டும், இல்லாவிட்டால் கெட்டவர்களாக அல்லது அப்பட்டமான முட்டாள்களாகத்தான் இருக்க வேண்டும்!” என டொனால்ட் ட்ரம்பின் அதிகாரப்பூர்வ ‘ட்ரூத் சோஷியல்’ சமூக வலைத்தளத்தில் பதிவிட்டுள்ளார்.
ஈரானுடன் எட்டப்பட்டுள்ள தற்காலிக புரிந்துணர்வு ஒப்பந்தம் (MoU) வாஷிங்டனுக்குக் கிடைத்த ஒரு முழுமையான வெற்றிதானா? என்று அமெரிக்காவின் முக்கிய கொள்கை வகுப்பாளர்களும் பாதுகாப்பு அதிகாரிகளும் தொடர்ச்சியாகக் கேள்விகளை எழுப்பி வரும் நிலையிலேயே ட்ரம்ப் இந்த அதிரடிப் பதிவை இட்டுள்ளார். வாஷிங்டனின் பாரம்பரிய அரசியல்வாதிகள் வழக்கம் போல போரை நீடிக்கவே விரும்புகிறார்கள் என்றும், ஆனால் ஒரு தொழிலதிபராகத் தான் அமெரிக்க மக்களின் பாக்கெட்டையும், நாட்டின் பொருளாதாரத்தையும் பாதுகாத்துள்ளதாகவும் ட்ரம்ப் மறைமுகமாக உணர்த்தியுள்ளார்.
அமெரிக்க அதிபரின் இந்த அதிரடிப் பதிவு வெளியானதைத் தொடர்ந்து, சர்வதேச அளவில் இந்த அமைதி ஒப்பந்தம் குறித்த விவாதங்கள் மேலும் சூடுபிடித்துள்ளன. ட்ரம்பின் இந்த ‘மாஸ்’ இராஜதந்திரம் உலகை அடுத்த கட்டத்திற்கு கொண்டு செல்லப் போகிறதா அல்லது உள்நாட்டு அரசியலில் அவருக்குப் பின்னடைவை ஏற்படுத்துமா என்பதை அடுத்தடுத்த 60 நாள் பேச்சுவார்த்தைகள் தான் தீர்மானிக்கப் போகின்றன!
